image  

 

曾經睇過「作死不離三兄弟」、「一百萬零一夜」、「美味情書」等幾套印度片,幾套都唔錯,今次的「來自星星」都好睇。宗教從來係敏感題材,今次導演藝高人膽大,在宗教眾多的印度拍一套質疑宗教的電影。不過導演考妙地以一個外星人為主角,對地球毫無認識,無立場的去睇成件事,最後更避重就輕,帶出「宗教無問題,有問題是錯誤演譯宗教的人」,高手!故事以一個愛情故事為開始,再以此為結尾,首尾呼應,點出「愛一個就是懂得放手」,感動!加上Bollywood 獨有的歌舞場面及印度服飾與建築的豐富色彩,成套戲好熱鬧。可愛的演員,有趣又有意思的故事,有笑有淚,又可以睇下印度的社會風貌,兩小時的戲都唔覺有悶場。
 
故事開始時在布魯日取景,之前曾在此小城住過幾晚,場景的大街小巷都有行過,好懷念!
 
題外話 : 成日覺得香港譯的片名好低級趣味,好似呢套「來自星星的PK」peekay是印度文,即飲醉的意思,因為片中主角表現儍儍的,成日被人話飲醉。所以用「PK」做戲名都唔奇,但在香港,「PK」應該係另有意思?片名雖然地道但真係好難聽。台灣譯「來自星星的儍瓜」就好得多。仲有果d 「親子樂膠遊」、「屈格起格命」,真係OMG

全站熱搜

Hearoom 發表在 痞客邦 留言(0) 人氣()