10/2021光顧
行過見午市套餐幾吸引,又試下。味道可以,可能因為百物騰貴,餐廳又唔敢加價,唯有減份量,但減量唔換碟,結果碟碟菜都好似好凋零咁,真係生意難做。午市都可以食火鍋,好似有點heavy,但都幾多人食喎,可能來火鍋店真係應該食火銅,食乜鬼套餐吖。
雙牛湯飯,見係必食推介,當然要點,雙牛係牛腩同牛仔骨,但兩樣都整到煲湯肉咁,又鞋又靭,相都懶得影,不過啖湯係幾甜,食完唔算口渴,可以接受。
咖哩牛筋腩飯 筋腩炆得柔軟入味,咖哩香,少少辣,小朋友食得津津有味,居然食左大半碗飯
蔥油雞飯 雞好鞋,無心機食
拍黃瓜爽脆,辣汁好味,唔錯
套餐包飲品,幾支中式健康飲品,味道唔錯
餐廳內的懷舊裝飾