Foodie 生活雜誌

(大阪焼トンセン ター (豚串燒))

出發前剛剛見雜誌介紹呢兩間餐廳，感覺對辦，決定跟住食。兩間餐廳都在難波心齋橋一帶，步程相隔二十分鐘左右，食完一間行去另一間，順便消化下都唔錯。

先食豚（豬）肉串燒店。全間店只賣豚，喺日本雞同牛的專門店就食得多，豚就第一次試，仲要係細細間立食，好有風味。雖然有中文餐牌，但有d都唔多明，不過侍應們好友善，落單無難度，食呢類小店最緊要唔怕醜，四圍望下又指下就得，只要有禮貌，通常其他食客都唔介意我問。呢餐好似食左成隻豬加副內臟咁  ：大腸、豬脷、豬頸肉、喉骨、心、頭頂肉、直腸、五花腩都齊，豬無羶味，燒得香氣撲鼻又juicy，好滿意的一餐。

食完又去下一間食蠔，生熟都有食，不過似乎唔係季節，唔夠肥美，配杯白酒，食完就番酒店瞓了。

餐廳資訊： 

- おさかなやたい　まつり (生蠔)

地址 ： 大阪市中央区南船場4 −8−2

-大阪焼トンセン ター (豚串燒)

地址 ： 大阪府大阪市中央区難波千日前3-19

串燒小店在小街內，睇個樣都幾地道，內裡裝修懷舊，感覺都有點日子

立食為主，吧枱有巴士的扶手吊環做裝飾，好有趣

點左好多款，串串都好味。串五花腩好正！大半隻豬喺哂度😜

備長炭使用，串燒要炭燒至好食

行去另一間店途中，朋友要食個章魚小丸子，個人興趣不大，不過每人叉一粒又幾開心

生蠔店細細間，分兩層。上層已滿座，我地一行四人座埋下層，再來的客人已無位

餐牌全日文，老闆都唔多識英文，是但點d。除左蠔，馬肉刺身都應該係當店名物，不過我無點。

每款叫d，生蠔鮮甜但唔夠肥美，日本蠔好似係6月至當造？

之後買個期間限定Godiva做宵夜，第一日行程就在食食食中渡過。