Foodie 生活雜誌

4/2020光顧

海之戀商場開左好多新餐廳，有埋DONKI，好旺場。FEATHER & BONES係鬼佬雜貨店，某些店鋪兼營餐廳，通常落户上等人地方，我多年前去過跑馬地店，雖然食物味道一般，但感覺新鮮。之後分店愈開愈多，估唔到會喺荃灣開分店，証明區內的消費力好高。餐廳環境不俗，喺荃灣區來講算好好，主打食牛扒，但我當日只食左班尼迪同羊肉漢堡，兩者都唔錯。

不過要提下海之戀個停車場，入口喺西鐵站傍，好難揾，入面設計又窄又古怪，指示唔清晰，泊到一肚氣，食完飯至知無商場泊車優惠，蝕左😡

三文魚班尼迪 幾欣賞個荷蘭汁，濃稠度同味道都剛剛好，食材質素不俗，煙三文魚同波菜都好味，麵包用sourdough ，整體滿意。

poach egg 處理時間剛剛好，流心蛋黃好靚

羊肉漢堡 香港未食過，之前喺冰島食過覺得唔錯，今次喺餐牌見到就點來試下。 麵包熱烘烘，羊肉漢堡咬落juicy有羶香，入面仲有cheese，dry tomato及辣味 Mayonnaise，好惹味，食到成手汁。

厚切即炸薯條，外面金黃香脆，內裡軟熟，好飽肚。我覺得點Mayonnaise好食d，要另點。但餐廳提供的茄汁都好味，味道濃郁有質感，有點似茄膏

flat white 介紹話係呢度的特色，等我仲鬼咁期待，結果對於我來講，特色係特別淡

餐廳門口係雜貨店同coffee shop，coffee corner 幾可愛

外賣coffee corner

雜貨店，賣鬼佬食品，cheese ，蔬菜都有，以入口貨為主

餐廳主打牛扒，呢個肉櫃幾夠照，但我就興趣不大

牛menu

有埋個wine cellar ，好認真

餐廳部分，酒吧加餐廳

有露天雅座，出面係荃灣海濱公園海傍。 望住大橋view，幾relax

有植物遮住，唔會太open，幾好

打咭位