Foodie 生活雜誌

1/2020光顧

對獨立經營的樓上小店情有獨鍾，今次選的餐廳，介紹話廚師由澳洲回流，又試下。午餐有湯、頭盤、主菜、甜品加埋咖啡，埋單唔使四舊，以中環來講，真係唔算貴。菜式唔算特別，熟口熟面的餐牌，不過食得出係用心煮，食材質素不俗，經理Andy服務細心體貼，一問之下，原來喺酒店業服務多年，難怪。

自家製麵包 包面放點rosemary及海鹽，麵包皮脆但中間濕度高，而且唔熱，味道一般

燒粟米忌廉湯 粟米焗完再煮湯，味道更香濃，湯面加pesto油，增加食味層次。其實我頭盤係點蟹餅，但Andy 推薦，話做半份比我試下，態度親切自然唔hard sell，我都唔好意思問價錢，最後見到埋單加左十零蚊，幾抵🤣🤣

頭盤選煎蟹餅 外層煎得over 左少少，咬落有點硬，但問題唔大，內裡juicy，蟹肉多，頗鮮甜。芥末汁濃稠剛好，幾好味

澳洲羊架 火喉控制得好，肉嫩柔軟有肉汁，good

是日甜品係我最愛的tiramisu ，難以抗拒，幾飽都要加錢食。喜歡佢樸實的一碗，cream滑，麵包底濕潤，夠酒味又唔over，不俗 。

套餐包咖啡或茶，咖啡好濃。

餐廳在雲咸街商業大厦內，室內設計簡約低調，一列靠窗枱，另有一排chef table seat