Foodie 生活雜誌

2/2020光顧

中環安蘭街18號食厦名店匯聚，今次又係食西餐。午餐包頭盤、主菜及甜品或咖啡，睇清楚係「或」，若要甜品及咖啡，要加錢。菜式配搭有特色，味道不俗但唔突出。聽講餐廳的招牌菜係gnocchi，但我今次無食，希望日後有機會試下。

同酒友聚餐，可以飲番杯

麵包

牛油香濃好味

椰菜花湯 朋友的選擇

鴨心沙律 秉𠄘我睇d唔睇d的性格，以為係鴨肉沙律，上枱時至知係鴨心，真係未食過，但我係喜歡嘗試未食過的食物，所以有驚喜。鴨心口感柔軟，帶點內臟特有的膻味，配合桃及山羊cheese dressing，幾好味。配菜endive 新鮮爽脆。

煎魚 朋友的選擇。試左少少，魚皮香，魚有魚味，配菜crushed potato 幾好味

焗兔仔腳 又食鴨心，又食兔仔，兩樣食材都未試過，好似野人咁。我未食過兔肉，感覺怪怪的，但知道歐洲食兔肉好普遍，加上食友都食過，見佢仍然正常，所以放心試😜兔肉肉質柔軟嫩滑但無乜肉味，包上麵包糠焗增加質感，味道就靠sauce搭夠。配菜出色，有抓飯墊底，烤青瓜同雞油菌菇，帶點點中東feel

千層酥配雪糕 上枱至知係簡化版千層酥。焦糖薄片酥皮夾住香濃榛子cream，配朱古力雪糕，唔錯

反正都要飲咖啡，食友提議喺度喺度飲埋，每杯盛惠$50大洋，我點肥威朋友要千奴，味道一般。

餐廳在商厦3樓，地方細細，坐位算密，坐滿人可能有點迫

開放式廚房，廚師們好友善，行過都打招呼