Foodie 生活雜誌

2/2021 光顧

貴價精緻中菜館，食過中環嗰間，覺得唔錯，尖沙咀店之前推出點心任點，一位難求，今次善長想試，梗係舉腳贊成👍🏻點心任點已完，點餐回復正常。點心真係有水準，尤其係碟叉燒，小朋友食到舔舔脷，裝修又靚，不俗的餐廳。雖然餐廳今期無參加coupon 計劃，但為左保住生意都有做8折，易book位好多。

泡椒鳳爪辣味慢慢沁出來，小籠包皮薄，入面注滿上湯，出色👍🏻燒賣及龍蝦餃上枱時熱辣辣，皮薄饀靚，腸粉皮薄，入面的油條香脆，釀入蝦膠，咬落口感層次分明，每樣食材都高質。

蜜汁叉燒 蜜汁清甜，剛剛包裹住每一舊叉燒，叉燒肉質柔軟，邊皮帶點焦香，烤得火喉剛好，同小朋友爭食。

蝦羔炒飯 飯粒分明，炒得乾身，櫻花蝦、蛋絲及蔬菜切得幼細，每啖都食到材料。但蝦羔無想像中的惹味。

蛋白杏仁茶香濃，蛋白滑，但唔算驚艷

餐廳喺海港城4樓一角，比較清靜。室內佈置高貴清雅，最有欣賞厚厚的靚地氈及不同顏色的空間，waiting area 好濶落。

waiting area 外接露台及偏廳

大廳

被安排坐窗邊位，有海景睇

仲有私家房