Foodie 生活雜誌

好多年前經過BTS Siam站後的小街，見到呢間After you，覺得裝修好可愛，不過對甜品興趣不大，人又多，所以無試，多年後見到睇開的blogger次次去bkk一定食呢個芒果糯米飯，好奇一試，去到至知原來係同一間，不過已經分店多到開哂巷。甜品係小清新擺盤，好有少女feel，有姿勢又有實際，難怪間間分店都客似雲來。

芒果糯米飯，上枱係一盤刨冰。芒果味刨冰係粉狀，軟綿綿，質感比食開的刨冰好，一路食都係刨冰，以為中伏，試下挖底 ，原來糯米飯同芒果在底下的碗入面戴住，食的時候再加入附上的椰漿同芒果汁，幾有趣的甜品，不過我都係喜歡傳統的芒果糯米飯。若有機會再來，會點strawberry cheese cake味，相信無左傳統的比較，感覺更好。

建議食法 : 由上而下，智障心急挖底，結果刨冰山倒塌，呢咁hea😝😝

刨冰底下碗內的糯米飯

nuttella toast  toast 的夾層都搽左醬，再配兩個雪糕球，好滿足

肥威香濃順滑，大大杯

為你而來，blogger話只有central world分店至有芒果糯米飯，但我見到siam paragon 店都有，但siam centre 店又無，一問之下，原來大鋪有提供，小鋪無提供。要食就去大鋪啦。

我去左central world food hall 一層的分店，好多人，等左幾張枱，鋪位都幾大

成個Central world 神經病式巨大，好多食店，一日食一間都可以食足一個月，個mall大到要提供免費shuttle，本來我樓搏大霧試下坐，點知司機大佬指比我睇餐廳就喺shuttle站斜對面，唯有自己行過去