close

坦6

來到第6天,繼續Safari。一出門口已經見到獅子家庭開餐,近距離觀看,聽到獅子咬碎骨頭的聲音,比電視機睇到的真實得多。行兩行又見到一對獅子交配,睇足幾個round至走😝再行一陣又見到睇水的獅子兄弟,簡直就係獅子生態團。午餐後又收到風有crossing ,其實我睇左一次,又唔係一定要再睇,但領隊好有心,堅持要我哋等,我真係好敬佩佢哋對份工咁有熱誠,照理做左咁多年,睇左無數次crossing ,睇唔睇到對佢哋來應該係無乜所謂,我哋唔睇佢仲可以休息下,但領隊仍然好希望我地能夠睇到,係咁陪我哋等,最終睇到大家都好開心。

不過今次無上次咁好彩,等左幾個鐘,好彩我哋九個人,講下笑下又唔覺難捱。最搞笑係次次有人去緊廁所就會收到有crossing 的消息,如厠中的人就要裙拉褲甩咁趕快上車出發,因為動物唔等人,所以個個去廁所都好驚。又講下大家都會關注的問題 : safari 期間如何如厠?基本上午餐的地方都有厠所,其餘時間要就地解決。咪以為好戲劇性地㢌㢌下會有隻獅子大笨象企你隔離,其實領隊會揾個安全的地方,你去車尾解決就得。車上有紙袋,如厠後要將用過的紙巾放入紙袋內包好放番上車,結束一天旅程後會有人清理。

全日最刺激係趕去crossing check point 的飛車,話說收到radio call知道crossing 好快會開始,領隊二話不說踩行油,我當時未來得切戴太陽鏡及口罩,結果全程食塵。又因為連電話都收唔切,死唔蝕底遞起手機襟個錄影掣至算,都唔知自己會錄到乜。坐我隔離嗰個仲慘,安全帶都扣唔切,當時只可以死命用腳頂實,以免自己唔知會飛左去邊。事後居然比我拍到段飛車片斷,領隊不知幾開心,仲要我send 比佢。呢段草原飛車真係超刺激,最後我地亦趕得切睇第二次crossing 。經過驚險的一天,收隊回去酒店晚餐了。

 

一早出發,天氣好凍,得5度左右,車上的櫈鋪上毛氈

坦6

坦6

仲有熱水袋,好窩心

坦6

再踏大草原

坦6

行無耐就見到獅子家庭開餐

坦6

坦6

坦6

再行就見到獅子夫妻行房

坦6

坦6

坦6

又行就見到獅子兄弟,領隊話佢係幫剛剛的夫妻睇水,保護兩位

坦6

車可以行到好近,獅子就喺車旁邊

坦6

除左獅子,其實仲有其他動物的😁

坦6

午餐時間,由另一部車送餐來

坦6

沙律、炸雞、薯條

坦6

今日點左支白酒,係都要喺草原上飲酒,自我感覺好蕉

坦6

飯後開始等crossing ,當中意外加插草原飛車項目

坦6

剛剛趕到👍🏻

坦6

日落了,回家了

坦6

望落係咪好浪漫?其實好暗,又凍

坦6

晚餐時間,今日好多家鄉菜😅

坦6

是日戰績

坦6

以為今日完結?原來半夜都見到動物。話說我瞓到半夜,聽到營外有動物行來行去的聲音,諗住又係班馬,都懶得起身去睇,但實在行左好耐,應該係想我睇佢😝一照之下,原來成隻河馬企喺我面前幾尺遠,中間只隔個營幕的網,我都嚇左一跳,但我一照佢就走,我只能影到呢張我話係乜你就要信的河馬pat pat你留念。

坦6


 


 


 

arrow
arrow
    全站熱搜
    創作者介紹
    創作者 Hearoom 的頭像
    Hearoom

    Foodie 生活雜誌

    Hearoom 發表在 痞客邦 留言(0) 人氣()