Foodie 生活雜誌

今日坐小型飛機再飛入d，去Noth Serengeti 睇呢個旅程的重點 : 動物大遷徙 (crossing ) 。一落機已收到消息附近form緊crossing ，本來先去酒店食飯都改行程。咪以為話睇就睇，始終係大自然，係要等的，而且唔係一直喺河邊等，要喺河附近的小山坡上等消息，一聽到radio話有動靜，大家立即飛奔去河邊，我呢次等左一個鐘左右，雖然唔係大型crossing ，但見住過千隻角馬form隊型，等第一隻勇士落河，過河期間被鱷魚攻擊，親眼目睹雖然無電視影像來得震撼，但仍然係好特別的經歷。睇完crossing食food delivery ，又一個新體驗，無想過荒山野嶺都可以食到酒店級豐富外賣，今次的非洲之旅經歷左好多第一次。

睇完crossing後個心定哂，唔使再患得患失，始終睇crossing 係今次旅程的目的。雖然話睇唔睇到係天賜，講係咁講，若睇唔到一定會好失望，而家一落機就睇到，非常感恩。之後又再四圍揾動物，今次呢架車更open，呢個region又可以完全唔依道路行(其實有依我唔識)，車輛喺草原上飛馳，好free。今晚住營地帳篷，入夜後有動物在屋外行，我地幾個慌失失奇兵嚇餐死後再笑餐死，好充實的一天。(故事在相內)

第二程小型飛機，無第一次咁緊張。boarding pass 就係咁簡單

有兩位香港人同我地同機，佢哋兩個跟我哋一齊落機，原來落錯機，被工作人員捉番上機繼續飛，好搞笑

一出「機場」，酒店接車的已準備好小小welcome drink

今次的車更open，連擋風玻璃都放低埋

收到風會有crossing ，沿途已見到角馬往同一方向集合

點都要等下，等候期間好多烏蠅，要用呢個馬毛掃掃走

車上有雪櫃，嘆住可樂等，都幾蕉

見到秃鷹開餐又埋去八下。

終於見到crossing ，thank god

之後要醫肚，話說我地等緊crossing，導遊話要等好耐，應該唔可以番酒店食lunch，提議我地野餐，佢可以叫酒店send食物過來，問題係我地喺荒山野嶺，佢點送來？我忍唔住問左兩次 : 「deliver?here?」佢話係，但要等個半鐘，問我地接唔接受，我梗係接受！無想過咁嘅環境都會有food delivery，仲要係到會式！食物又幾好，喺咁嘅環有咁嘅享受，簡直係奢侈體驗👍🏻

回到酒店喺camp fire 旁睇日落，終於見到電影中的非洲日落，平原上一個橙色的太陽，好靚

晚上住住營幕，夜晚營外會有動物行來行去，話說我準備瞓覺，房友睇睇下手機聽到出面有聲，行去帳幕邊睇，見到好大隻腳喺佢面前，以為係獅子，嚇破膽，三條友即時 醒哂，我立即攞起酒店提供的強力電筒向外照，見到一堆班馬在外食草，但中間又聽到斑點鬣狗叫，氣氛緊張。黑暗中突然間聽到外面有人叫hello，三條荒失失奇兵即時嚇到跳起，驚魂甫定至知原來係酒店職員來問候，我哋三個阿豬媽著住睡衣戴哂頭箍敷住mask 開門，見到職員都退後左一步，應該驚過見到獅子，關門後大家笑到碌地。