Foodie 生活雜誌

東京銀座名店林立，好多名店都有附屬的餐廳或cafe，一直都想試下。當日剛從修善寺回到東京，打算選一間名店附屬餐廳午餐，咁啱當時最近的餐廳係貴婦品牌香奈兒的Beige@chanel，結果一個唔覺意，食左餐貴價法蘭西午餐。好彩食物有水準，味道好，份量足，餐具精緻，擺盤靚，環境舒適，服務好，合哂我要求，貴都值得。唯一缺點係食客個個身光頸靚，氣氛有點拘謹。

(我已忘記當日的餐單，只能寫個大概，請見諒)

來到chanel，點都要點杯Coco，來個神交。椰子味清香

歡迎菜 蔬菜湯，蔬菜片，當然係organic啦。要知道現今organic一字即係高級，貴咁解。

麵包好味，充滿麵粉香

穀麥包

焗鴨肝配鴨胸肉 鴨胸juicy 鵝肝香，配berry 汁好味，估唔到咁大碟

主菜係魚或肉，款款肉柔軟美味，擺碟簡單實在，而家有點怕幾滴汁，雕花的擺盤，好似為擺而擺。

食甜品換另一款餐巾，大鄉里，未試過

甜品時間，侍應問我試唔試芝士，以為個餐包左，只試左少少，結果埋單時至發覺每人要加2000yen，早知試多d

忘記係乜甜品，只記得有清酒成分，而且賣相幾靚

簽名茶花朱古力蛋糕 絲絨面茶花造型，唔捨得切開，蛋糕内有脆脆及香濃滑溜的chocolate mouse。配上濃濃的朱古力味雪糕，啱哂朱古力迷

petit four 由前菜至最後的petit four 都維持水準，無鬆懈，高質素餐廳

咖啡香濃 每枱都有隻青蛙，餐廳解釋係吉祥物之類的擺設

餐廳在chanel 大厦内，大厦牆身以細小chanel logo裝飾，低調。落户東京的國際大牌子名店全部一幢幢，除左銀座，表參道兩旁都有，買唔起貨品，只欣賞建築都係樂事

餐廳入口在店舖旁的入口，睇落以為係辦公室

𨋢的按鈕係茶花logo，粉絲實開心

𨋢內的按鈕都係chanel logo

餐廳樓底高，好光猛，個個著得斯文高貴，我個遊客look就顯得好casual 了。留意梳化的手帎都係用chanel 的tweed 布pattern。

靚靚餐具，高貴清雅，好喜歡

洗手間標誌都係chanel 包包，toilet 內香水任噴，我對chanel 無認識，只知陣味好熟悉，好多時都聞到，原來係chanel