Foodie 生活雜誌

3/2019光顧

觀塘的餐廳愈開愈多，店面愈來愈大，亦愈來愈有氣勢。係咪觀塘租金較平？好似呢間，開喺觀塘但收尖沙咀的價錢，裝修又確係高級，似高貴的火車餐卡。Lunch menu 選擇多，煎扒意粉沙律通通有，配搭頗有心思，選用多款配菜。當日點左自家製手打意粉加冷泡茶，味道一般。餐廳勝在地方大，裝修靚，坐得舒適。晚市餐牌選擇豐富，若在觀塘想揾間靚靚地的餐廳，呢度係不俗的選擇，雖然食物水準一般，但問過星期五無限入座時間，好過去旺區的高級快餐同人迫。

忌廉粟米湯 粟米打碎煲，更有口感

龍躉意粉 中西式fusion pasta，龍躉、唐芹同荷蘭豆，加個濕濕地的橄欖油汁，感覺中式，但又加左dry tomato 同capers ，結果變成西洋龍躉伊麵，唔中唔西，感覺怪怪的，唔多夾。幸好食材新鮮，味道唔差。點餐時侍應煞有介事地話我知手打意粉會比平時食的唔同，會彈牙d，搞到我差d想忠誠地向佢宣誓講句 : 我食過手打意粉！我真係食過！結果係手打幼蛋麵一點蛋味都無，亦唔彈牙，好彩唔係腍

加$18點左冷泡茶，當日提供的係蜜桃冷泡茶，不過我明白以我的level，點普通茶已ok，因為我完全飲唔出冷泡茶的精粹。

餐廳佔二樓全層，一上電梯就見。分酒吧區同用餐區，仲有獨立房間，各種顧客一網打盡，睇來投資者都幾進取。進入餐廳左右兩邊酒吧區

酒藏幾豐富

進入用餐區

open kitchen 內好多廚師，人頭湧湧，好熱鬧

有寬大卡位

多間獨立房

細心位，洗手間內有nursery room，不過冷氣大，小心凍親bb

餐牌食物又潮又豐富，連奶蓋茶都有，少見