Foodie 生活雜誌

(進入餐廳，呢度門的雕工都足夠我註足細看)

晚餐係一般温泉旅館的料理，不過可能我期望過高，覺得食材味道及擺碟都一般。晚餐後浸完温泉，去大堂飲番杯，紅酒、威士忌、清酒任飲。其實飲得幾多吖，最享受係同團友們輕談淺酌，感受下個relax 氣氛都夠哂好feel，之後就可以進入夢鄉了。check-in時已經比左張表我選被褥及枕頭，我個人感官較鈍，無咩感覺，只係一掂到張褥就瞓到大天光就係。

一夜無話，老人家早起，第二朝一起身已見窗外飄雪，先在房間享受一個飄雪風呂，之後一條友旅館四處逛，大堂早上提供鮮奶同蔬菜汁，坐在軟軟的梳化上寧靜賞雪，心境平靜。 之後走出昨日往閱讀室的小路，體驗飄雪下的寧靜，因為太早，無人經過，我嘗試行去庭園，未試過在咁勁積雪的環境下活動，無想過積雪鬆軟，一腳踩落去即深至大脾，仲要抽唔番隻腳出來，個心真係離一離，後來從隻boot抽隻腳出來，再拉番對boot出來，嚇死我。

早餐同昨日晚餐地點一樣，被落地大玻璃外的雪景包圍，在暖暖的室內欣賞雪景，實在太適合怕冷的我。早餐精緻豐富，感覺比晚餐更良好。

餐廳裝修帶點禪意 好有意境

天花同門一樣，有木雕

 

好大雪的晚上，雪都堆到差不多到屋頂

 

是日餐牌，由於無特別，唔會逐樣寫了，有興趣自己對相

近江牛幾好味，夠香滑

好喜歡呢個飯後酒吧relex時段，有鋼琴伴奏，在暖暖的室內邊聽音樂，大家輕聲談天，氣氛一流

早上大廳另有鮮奶蔬菜汁供應

朋友點西餐，好豐富

西餐有迷你oven，可以自己加熱麵包

我點日式，同樣豐富

美麗的陶器

我send 左呢張相比家中太后，太后問 : 咁大雪，d嘢食咪凍哂？笑死我！