(二月天,sky tree 附近居然見櫻花開了)
早餐後到上毛高原車站轉新幹線回東京 ，酒店有車接送至水上町車站，要再坐30分鐘巴士先到上毛高原車站，所以我地之前一晚已預訂的士直接去車站 (約5500yen) 。三天兩夜夢幻之旅就此完結，要返回凡間了。
旅館職員於離開時送上造形有趣的支裝水
坐的士途中，雪花飄飄
再見了，群馬県。
回到東京站，即刻食我深愛的牛舌，今次唔食利久，試下另一間同樣係仙台名店的伊達牛舌。講真，我就食唔出兩間的分別，總之就兩間都好食，香港食唔到。以後是但一間都得，要厚切，無懸念。
伊達牛舌，都係排隊店
炭燒是必然的
點左厚切同普通，當然係厚切勝
因為團友們要求買手信，回到東京先在上野寄存行李，可能購物的意慾已潛藏左5日，一去到二木菓子店，團友完全失控。其實我自從N年前來過阿美橫丁以後都無來過，估唔到又真係貨品齊全價錢平，仲可以退稅，果然名不虛傳。由於個個都買到滿手都係，所以原本想去秋葉園mAAch ecute 扮文清都唔得，要先回酒店卸貨。圖為團友門釋放購買力中，咪以為係店員執貨，好恐怖
餐廳篇 尾花@南千住
團友一早落order 要去skytree 的其間限定多拉A夢cafe，點知去到係10個把鬼，喺skytree shop左一陣就走了。晚餐去尾花食鰻魚飯，因為路況問題，的士司機在路口放低我地，要自己行一小段路至到，G神指示我走入住宅區，入夜後四周靜悄悄，有一剎那以為被司機及G神老點，因為聽講尾花係人氣長龍店，好彩一路行一路聞到香味，個心都定d。店子在老屋內，頗有歷史，鰻魚即點即燒，要有耐性呀。等左一萬年之後，鰻魚飯終於上枱，鰻魚好香，味道唔錯，但未夠肥美，反而欣賞個汁份量剛剛好可以沾上每一啖飯，但又唔會太多。不俗的鰻魚飯，我在門口等左10分鐘左右，若要排幾個鐘食係咪值得就見人見智了。
尾花 鰻魚飯
地址 ： 東京都荒川区南千住5-33-1
JR常磐線・東京メトロ日比谷線・TX「南千住駅」徒歩4～5分
營業時間 : 11:30～13:30 / 16:00～19:30
sky tree 附近的滑梯，見到立即衝去玩。玩完又感嘆點解香港的滑梯
鰻魚飯尾花， 以為去左神社
香噴噴的鰻魚飯到著！
最鍾意見到呢d牌，感覺好勁咁
席地而坐，幾有風味。餐廳收7:30，我地差不多係最後
餐廳篇 地下の粋@築地
食完鰻魚飯再去食生蠔，喺香港通常食法國蠔，好少食日本蠔，但上次在瀨戶內海尾道食完一次日本蠔後回味無窮，知道呢間專食生蠔，一定要食！因為生蠔店只於下午5:30後營業，而明晚又book左位食飯，所以今晚一定要食。星期五晚人多，去到要等位，感謝好友們肯陪我等，畢竟唔係人人好似我咁執著，一定要食指定餐廳。好在結果係值得等，更加成為今次旅程中其中滿意的一餐。
地下の粋
地址：東京都中央區築地4-7-5 築地ＫＹビルB1F（顯示地圖）
電話：+81-(0)3-6228-4442
營業時間：周一至五 5pm-10pm，周六5pm-9pm
網址：www.gofish.jp/basementfloor.php
小店在築地市場對面的商厦地庫內，好易揾
小店開在地庫角落，係開放式，似food court，坐位用幾張摺枱摺椅拼湊起來，好街坊，坐滿上班族
有幾個企位，因為唔想等太耐，我地最終都只能企位
日本海域蠔產地地圖，基本上沿海都係
每日有不同產地送來的蠔，亦可以選擇熟食
每隻上枱時都標明產地，隻隻新鮮肥美，鮮甜爽脆，超級美味
結果每人食左5隻，加杯白酒，每人唔洗3千yen，抵食！(呢度當然唔止係我地的)
留言列表
香港食食食 (25)
