Foodie 生活雜誌

酒店check out 後上藏王雪山，今日天氣好差，上到山頂當贏。以為就算睇唔到一大片樹林都可以近距離睇到棵冰樹，天真的我實在太小覷大自然的威力，山頂上大風大霧，能見度極低，莫講話冰樹，路都睇唔到咁滯，好恐怖。夾硬留左一陣，職員已通知因為太大風，纜車將停駛，要遊客落山。落到山中間，已經係另一個世界，剛剛山頂的悪劣天氣仿似從無發生。大家開開心心影下雪景就離開。

冬日雪景

小小雪人

滑雪場，天氣麻麻

坐纜車登山，滑雪的個個full gear

影左當睇左

等車的時候已好凍

纜車去到中間已經開始大霧，窗外乜都睇唔到

山上的地藏王都被雪埋左半身，因為能見度低，影完差點揾唔番條路回去

呢位女子好堅抽，莫非對絲襪一尺厚？

山頂勁大風，人都吹郁，碎雪伴隨烈風打落塊面度，眼都睜唔開，對聲稱可以抵擋負二十度的雪靴，出到去五分鐘腳趾已凍疆

諗住見唔到冰樹，心灰意冷之際，上天為我開一線光，冰樹森林就似天空之城一樣，突然從雲霧中出現，被我驚鴻一瞥後，好快又隱藏回雲霧中，整個感覺好神奇。

由於風勢愈來愈大，職員宣布旅客要離開山頂，基本上再留低都無意思，雖然睇唔到冰樹，但感受完悪劣的天氣，我完全明白到人類面對大自然係幾咁脆弱無助。

順利落番樹冰高原駅，風平浪靜，一個寧靜的冰雪世界

山頂纜車亦宣布停駛，就如之前所講，上到山頂當嬴了。