Foodie 生活雜誌

(餐廳在商厦內，整幢大厦都係出名食店)

好友尖咀C食過後讚不俗，又跟住試。法蘭西餐廳，午市套餐分三種價錢，窮風流的我選中間價錢的套餐。套餐有一款開胃菜，三款前菜、兩款主菜，一款清味蕾雪芭，一款甜品。酒水方面，包一杯香檳，一杯咖啡，水可以添飲，咁就有數為，因為曾經試過飲水都飲左幾百蚊。菜式精緻，唔知係咪因為春天關係，菜色用左好多綠色，食落清新輕盈，味道不俗，餐廳氣氛輕鬆，服務好好，侍應好友善，好多材料都主動用iphone揾相比我睇，介紹食材，整體雖然無驚喜，但食得舒適。不過日本冬日的室內暖氣我始終唔習慣，兩小時的午餐愈食愈焗，有點影響食慾。

資訊 :

Esquisse

地址 ： 東京都中央区銀座5丁目4-6ロイヤルクリスタル銀座9F

大堂簡單高貴

以一間法國餐廳來講，室內裝修似乎有點簡單，不過採光度充足

我的英文差，再加上日語口音的英文，實在聽得吃力，我乾脆請侍應比個餐單我自己睇好了。

餐具同裝修一樣高雅簡潔，香檳我唔知係咩，飲落就係香檳囉。

先來開胃菜 內有毛蟹、椰菜花，配上辣根泡泡，底下的係熱情果凍，味道同造型同樣清新。

小小的法棍麵包好吸引，香脆內軟，帶空氣感，配上海鹽同香滑奶油，駕駛員食唔停口

頭盤 mushroom mouse 配帶子 mouse 菌味極濃，帶子鮮甜，又一清新口味菜色

頭盤 蚌肉及蔬菜沙律。擺碟成個小花園咁，好靚。侍應介紹面頭係一種日本蔬菜做的天婦羅，帶點苦味。

又一款麵包

頭盤 日本蔬菜葉一瓣瓣砌成一朵花，瓣與瓣之間釀入醬料，造型靚，又係清清地的一個頭盤。

主菜 烤䱽魚 我最喜歡的魚類之一，表皮香，要知道䱽魚皮薄，火喉真係控制得好好，魚肉厚身，結實得來又滑，唔錯。配豆泥，又係綠色。

主菜 慢煮鴿肉，鴿肉上枱時感覺非常生，我已經感冒，驚食完有埋禽流感，一開始有點抗拒。其實入口係出奇地嫩滑。

清味蕾雪芭

甜品 以朱古力及咖啡味為主，雖然擺碟唔夠fancy，但每款少少，可以一次過食好多款甜品，味道都好好。

咖啡及petit four  線條簡潔精緻的咖啡杯及配件，咖啡香濃，petit four 之中最深印象係cannelé。從前食過的大多數就如普通蛋糕，而且好甜，一向興趣不大。但呢個外皮香脆，內裡帶點濕潤，好柔軟，而且唔太甜，終於領略到呢款經典法國小蛋糕的特色。

離開時餐廳送上小小記念品，內裡係幾款甜點。其中的cannelé隔左兩日食都仍然美味。餐廳Esquisse另有一間甜品cafe Esquisse CINq ，就喺隔兩條街的TOKYO GINZA PLAZA 內，下次要去試下。