Foodie 生活雜誌

7/2017光顧

前身為聖地亞哥酒店，今日變身為精品酒店Hotel Stage內，餐廳佔據一樓全層。地方寬敞舒服，裝修雅緻，簡直係該區的綠洲。餐廳分兩部份，一邊係餐廳，另一角係咖啡室。意大利餐廳食物價錢唔平，百幾二百銀一個意粉，main course 二百至四百，不過點主菜或意粉加錢可以轉套餐，等如用較低價錢享用前菜及甜品，再加一杯飲品。食物唔錯，但我更係喜歡個環境，若是下午來，一列大窗，好光猛，最重要係無乜人又唔趕你走，喺油麻地區係一個唔錯的選擇。餐廳有做某些信用卡優惠，但就算問侍應都未必話到你知，建議於門口睇牌，我就因為無問，蝕左支酒。

去過兩次，餐包兩次不同，呢個有合桃，好味

另一餐的餐包，好似話餐包自己

蘑菇湯 味濃有質感，稍嫌咸左d

白酒煮蜆  蜆肉鮮甜，白酒汁美味

烤西班牙八爪魚   八爪魚，好柔軟，又入味，墊底的蔬菜都好味，讚

parma ham pizza    parma ham仍juicy，不過唔夠芝士，想加parmesan cheese佢居然比芝士粉我，話係Parmesan 磨左粉，一樣味，我無加。

炆和牛麵頰肉長通粉  醬汁濃厚入味，不過牛肉薄左d，厚身d會同個汁更配合，長通粉有咬口。

龍蝦尾意大利飯  朋友話唔錯

西班牙紅蝦意大利麵 紅蝦甜，除左放面一隻大紅蝦，意粉內都有蝦肉，好足料，意粉有咬口，不過醬汁酸左d

sea bream 每日都有不同海鮮供應，今日係鯛魚。魚皮煎得香脆，魚肉juicy但欠鮮味，魚下蓋著蔬菜，朋友話ok。我覺得餐點的配菜都幾有心機整

羅勒蒜汁天使麵  朋友食清d，醬汁好香，不過無話自製，應該係個醬汁牌子選得唔錯？

朋友點的雪糕球 甜點品款款都賣相唔錯，味道ok，無特別驚喜

有機豆腐芒果芝士餅。豆腐意大利雪糕 甜點品款款都賣相唔錯，味道ok，無特別驚喜

我就例牌tiramisu 

套餐咖啡，一般expresso 機的咖啡

地方寬敞，一列大窗，日間來一室明亮(相中係日與夜對比)

以為有個室，一問之下，原來有客人訂左18位，所以set 成咁，平日係幾張散坐。不過喺角落，又幾獨立

coffee corner 若在附近食完飯唔想咁早散，可以來飲杯嘢繼續傾。地方唔錯，收10:30，另有happy hour

佈置都幾有心思