Foodie 生活雜誌

8/2017光顧

朋友住附近，我間中都會過來呢區。餐廳開左好多年，每次經過都見到高朋滿座，而且幾年前藍地大街未似而家咁熱鬧，呢間西餐廳都好突出。終於揾到機會一試，出品一d都唔失禮，水準比好多旺區的倒模西餐廳好得多。加上可能無咁大租金壓力，所以價錢唔貴。建議要book位。

主菜加$45 可變套餐，有沙律、餐湯同餐飲。跟餐沙律菜新鮮，汁稍酸。

麵包當然唔係自家製，但焗到熱辣辣，又鬆軟，好味。麵包可以免費添一次，之後每個$10

南瓜湯 跟餐，幾好味，無落太多忌廉，清清地反而無咁滯

白酒煮青口 一坐低見到隔離枱有碟藍青口，即點。可選白汁或白酒，我選白酒。青口肉好細粒，不過勝在夠嫩滑，加上大量蒜片，幾香口，個汁用來點麵包一流。

磨菇意大利雲吞 雲吞大小適中，饀料足，配個濃白汁又唔覺滯，唔錯

紐西蘭羊架 落單時侍應提醒因爲係炭燒，個邊會有點燶，但上枱時又唔覺，賣相唔錯。燒得好香，不過以紐西蘭羊來講就似乎唔夠嫩，但我都收貨。配菜的薯蓉同蔬菜味道都唔錯。

煙焗豬仔肋骨 幾香，肉質柔軟，我唔識食ribs，硬係覺得無肉食又麻煩，只試左少少。

蟹肉意大利飯 蟹肉多，味道都唔錯，不過賣相成pat嘢咁就削d

餐廳充滿田園氣息

室內裝飾帶點東南亞色彩

坐位頗寬闊