close
8/2017光顧
某次在附近運動完畢，餓到手軟腳軟，見到店面寫住「足料濃湯 絕無味精」，立即推門而入。小店賣泡飯、湯麵、小食，有不同湯底、配料、飯麵配搭，住家風味，侍應呀姐好親切。我兩次去都係點魚湯底，湯底頗鮮甜唔口渴，已成為我的安全店。
醉鮮水餃配魚湯底及醉鮮麵 第一次食，見到醉仙水餃（睇左醉水餃），食完仲儍下儍下問人點解無酒味，侍應話係因爲店名係醉鮮，所以招牌餃就叫醉鮮餃，我餓到儍，無睇店名就入，結果問左條失禮問題。餃子size剛好，饀料飽滿，豬肉有咬口，米線唔太稔。
招牌醉仙麵 侍應呀姐都解釋唔到係咩，只係話似米粉，但比米粉更有咬口，食完知道講得正確
朋友點左煎咸魚肉餅泡飯 泡飯肉餅分開上，肉餅煎得香脆乾身，有咬口，唔係發水肉，味道唔錯，不過咸魚味欠奉。
香檸薏米水 自家製，唔甜，帶檸檬香，夏天最佳飲品
全站熱搜
留言列表
香港食食食 (25)
