2016九州一圈遊遊記篇 Day 5 長崎-熊本-鹿兒島－Foodie 生活雜誌

(全個行程最長車程)

今日係移動日，由長崎至熊本。揸車要屈番上佐賀再落，全程約五小時，頗浪費時間。其實可以選擇水路經天草去，但因為要就船期，以我地慢活行動團的速度，怕會更加費時失事，所以行陸路更好預算，當遊車河。早上先往參觀長崎原爆資料館，現代化的建築物，藍天白雲青草地，找不到一絲哀愁。但一入館就立即感受到戰爭的殘酷及可怕，館內有一part係模擬當日被炸教堂的塲景，配合影像，令我印象深刻，想到一入門見到的第一句話 : 「但原長崎是最後一個原子彈爆炸地」，衷心希望世界和平。不過現今世界，談何容易，唔打仗都偷笑。

長崎原爆資料館，現代化建築

好多和平紙鶴

以為去左現代美術館

好多人的命運或生命，就在呢一瞬間改變或停止

抓緊時間繼續上路，去到熊本已下午。熊來對於我係毫無吸引力，就算熊本城未損壞時都係咁話。今次路過純粹作休息站，喺JR熊本站買熊本熊記念品，食個熊本名物太平燕 (對我來講其實即係什菜炒粉絲後再放湯)，影下Qcode紙版公仔(在版前download 個apps，用鏡頭對住塊版，隻kumamon就會出現在鏡頭內同你合照，似見到污糟嘢咁) 就當到此一遊。繼續上路，於高速休息站行下停下，去到鹿兒島酒店已經係晚餐時間，由於酒店同市中心有十零分鐘車程，無謂再四圍揾食，check in 後直接在酒店餐廳食晚餐算了。水準都唔差㗎。

Qcode 紙板，就在JR新翼大樓一入門右手邊