Foodie 生活雜誌

9/2017光顧

午市點心套餐，有25款選擇，包括點心、前菜、燒味、例湯、粥粉麵及甜品，任點任食。款款足料好味，25款中試左17款，除左口水雞之外，其餘全部都唔錯。價錢係稍貴，但酒店內的中菜廳，環境舒適，服務好，而且一個價錢預左，有數為，唔使就住就住點。點心套餐$308一位，3至12歲小童半價，茶錢每位$20，另加一。

嚟過兩次，兩次都在點心套餐同散點之間苦苦掙扎，因為散點的選擇套餐內係無，例如我喜歡的灌湯餃，不過最後都被現實戰勝慾望，兩次都揀左套餐。既然出品唔錯，下次試下散點至得。

廚部 ：

蜜汁叉燒 叉燒柔軟帶點肥肉，蜜汁香，邊皮燒得微燶，好味。

海蜇爽口

甜梅青瓜酸甜醒胃。

口水雞係全餐的敗筆，敗左個汁，汁杰，欠香辣。

蒸點部 : 蝦餃、燒賣、點松露菌餃、蟹肉帶子餃，好精緻，皮薄饀靚，澄麵有咬口，一啖一粒，份量剛好。

廚部、炸品部 : 

牛筋腩蒸陳村粉，牛筋腩有入口溶化的感覺。

鵝肝咸水角外皮炸得脆，咬落軟糯，釀入鵝肝，出奇的好味。

春卷、豉油王瑤柱煎腸粉

粥粉麵飯部 ： 

例湯香濃無味精

蟲草花鮑魚雞粥又綿又香

海膽海鮮粒炒絲苗飯粒分明，但就唔覺有海膽

甜品部 ：

南瓜西米露足料香濃

椰汁燕窩凍糕堅有燕窩.....碎，好味

地方舒適，今次中菜部客滿，被安排坐隔壁酒吧區，無損舒適感。

散點餐牌