Foodie 生活雜誌

一早起身就去攞車。今次照舊幫襯Toyota，訂的係VOXY ，一行四大人一小孩，夠唒闊落。 沿途逢親見到休息站都會落車，所以用去不少時間，去到佐賀已經午餐時間，所以先醫肚。

因為天氣熱，休息站有噴霧裝置，小朋友玩得不亦樂乎。

一住入佐賀已有陶瓷裝飾了。

Ufufu 在香港新開分店，一來因為太多人，二來百幾銀食個芭菲我就唔捨得，不過去旅行就唔同，比較豁出去。嚟開就去總店，餐廳開在市郊小屋，其實即係Pokka cafe，個芭菲係幾吸睛，鮮果新鮮多汁，比香港平幾十蚊一杯，其他食物都唔錯。

餐廳外貌，在市區外圍獨立屋

 好多水晶燈裝飾

 點左著名鮮果芭菲，時令香桃，時令蜜瓜，仲有焗蔬菜飯，又見呢度好多人食鐵板牛，唔蝕底當然又試下，好鬼香，都幾好味

食完午餐開車去武雄圖書館 。圖書館原本係政府圖書館，經改革後與著名的蔦屋書店合作，內裡有埋星巴克，加上型格特色建築，一個字 : 型！ 整個建築物設計簡潔時尚，空間感十足，不過入面唔比影相。我在圖書館的每個地方都行左一篇，再於閱讀區同小朋友坐低睇繪本，感受下氣氛，一眨眼又無左兩小時。

雖然唔比影相，但拜先進的科技所賜，有興趣可以入呢條link 去「行」下。

https://www.epochal.city.takeo.lg.jp/winj/guide/floormap.jsp

離開後駕車到武雄温泉兜左一圈，可能因為已到傍晚，四周靜悄悄的，而且地方唔太吸引，回來先知自己居然一張相都無影過。

時間過得好快，落到長崎已經係夜晚，check-in後都差不多9點，好多食店已關門，草草食碗拉麵，不消提的一碗麵，麵與餃子都不合我心水，之後就回酒店休息。嚟緊三晚都會Richmond，位置好，房間夠大，舒適清潔的一間酒店。

午餐

ufufu 夢咲珈琲 うふふ

地址 : 兵庫北２丁目２５−２２

電話 ： 0952-30-3422

晚餐 

濃厚豚骨「かどやらーめん浜町店」(拉麵) 

地址 : 長崎市浜町6-23

住 

Richmond Hotel 長崎

地址 : 長崎県長崎市本石灰町6番38号