close
(燒鵝叉燒雙併 燒鵝有炭香，皮頗脆，但稍嫌肥左少少。反而叉燒好味，半肥瘦加小小燶，比好多大吹大擂的名店出品好。)
1/2016 光顧
為食朋友介紹，話燒鵝出名，當然要一齊去試下！店鋪在聯合道，九龍城與樂富中間，對區外人頗吊腳。店子地方好大，朋友話週末必爆。街坊小菜王式菜館，裝修簡單但企理，小菜選擇多，份量足，炭爐燒味真材實料，價錢實惠，可以一試呀。
菜乾豬肺湯 煲得好融好足料，湯甜又唔口渴，好味
羊腩煲 都係好足料，羊腩有肉食，唔會得舊骨，枝竹冬筍夠厚，上枱時另有一碗湯齊上，加湯用，唔係加滾水。侍應仲會過來幫忙灼菜，真細心，配埋碟最重要的腐乳醬，不俗
生炒糯米飯 今餐的敗筆。濕淋淋，似蒸飯，腊味係夠，但唔係果回事，失敗。
文章標籤
全站熱搜
留言列表
香港食食食 (25)
