狂野行
故事講述女主角受喪母打擊，一度沉淪，後來醒覺，透過獨自征服艱辛的行山徑自省及尋回自我，整套戲以主角當時行山所面對的人和事與回憶互相穿插，講出前因後果。故事點出行山同人生一樣，要克服種種困難，結果最後都只能靠自己。套戲貌似有深度，但又硬係好似欠了點甚麼，感覺平淡普通。同類型電影，「127小時」精彩好多。女主角Reese Witherspoon演出落力，但反而不及「永遠的愛麗絲」裡Julianne moore 內斂的演技出色，難怪後者狂掃各大影展獎項。尚欠奧斯卡，希望攞埋啦。
- Feb 11 Wed 2015 00:23
狂野行
- Feb 09 Mon 2015 23:16
永遠的愛麗絲
永遠的愛麗絲
記憶係人生寶貴的財產，由出生起一路累積。女主角係生活美滿的語言學教授，在50歲生日後突然患上罕有的腦退化症，作為一個優秀學者，知識就係最寶貴的資產，一生成就都在腦中，可是當記憶一點一點流走卻無法阻止時，如何面對？只能活在當下。一個好的演員就能做到不似演戲，但你會為戲中的她喜而喜，悲而悲。女主角的演出令我感受到一個腦退化患者的恐懼同無助，演講的一幕喊死我，記住帶定紙巾入塲。
- Feb 08 Sun 2015 22:10
夜上海@尖沙咀
酒店內的上海菜，以為一定貴夾唔飽，估唔到又ok 喎。我點的都係一般大路菜式，味道不過不失，無特別，全部如圖所示，所以都無需介紹。上海菜來講叫清淡，可能係新派及順應健康潮流。不過環境舒適，聚會好地方。
- Feb 06 Fri 2015 11:07
美國狙擊手
戰爭係一個大題目，不同導演有不同取材，呢套真人真事改編，一個軍人狙擊手的傳記。主角的一生都展示在電影中，角色立體，一個軍人的心路歷程，戰爭對佢的人生，家庭等影響都有仔細描寫，結尾一塲槍戰戲幾緊湊，結局更加係諷刺。但整體並不太精彩，而且又係離不開美國精神，妖魔化對家，公式內容，但呢套較多著墨於軍人離開戰場回家後的描寫。不過好佩服導演的魄力，畢竟已經84歲！
- Feb 03 Tue 2015 18:45
香港美食 ： Heysonuts @土瓜灣
新開甜品店(光顧的時候係新)，唔知點解睇見介紹就好想去。(直覺又錯誤了) 呢度主打甜品咖啡，加點輕食。我居然來食晚飯，失敗。餐牌無咩好揀。但甜品造型一流，最啱影相，差不多台台都有點，隔離枱的影到我食完個意粉都未影完，至於味道就好一般了。
- Jan 31 Sat 2015 21:02
頭條殺機
頭條殺機
幾爛的一個戲名，一部不錯的電影。多得科技發達，男主角飾演的一個鼠竊狗偷無意中得知售賣新聞片段可賺錢，於是在網上學懂技術，加部攝錄機，變身成突發新聞「記者」。誤打誤撞遇到新聞部主管，學懂何謂新聞「價值」，結果新聞攝影師為了片段能賣錢，新聞製作人為搶收視，保飯碗，只顧提供刺激觀能的影像，嘩眾取寵的標題，煽情徧頗的內容，所有專業操守，新聞真相全拋諸腦後。漸漸走火入魔，製造新聞，自編自導，為求目的，不擇手段。故事節奏明快，內容有意思。男主角的巴斯光年眼，黏淋淋髮型，皮笑肉不笑的表情，成功塑造一個極討厭的角色。
- Jan 31 Sat 2015 15:33
稻。拉麵@官塘(CLOSED)
之前尖沙咀akura的拉麵唔錯，最近經過見轉手。睇雜誌話原來過左呢間做顧問。一條友，試左白雞湯魚介叉燒麵，湯頭清甜，拉麵來講叫清淡。拉麵有咬口，叉燒係五花腩，肥糕豬肉各半，燒烤過，好香口。不過跟麵上得半隻蛋，無紫菜，紫菜要另加$10,孤寒左d。
- Jan 30 Fri 2015 00:34
寄生獸
寄生獸
經典日本漫畫改編（我未睇過），電影分上下集（下集4月上），三級（只限血腥，唔好諗錯隔離）外星人先入侵地球人身體，再逐步侵佔地球，呢d故事荷里活拍左N套，不過今次西人變哂日本人，故事內容大概都估到，無特別。不過隻寄生獸幾得意。男主角染谷將太唔錯，戲路廣，多產，感覺係另一個妻夫木聰。
- Jan 28 Wed 2015 14:54
Mango tree@elements
發覺泰菜無論平與貴，菜式都係差不多(宮廷菜例外) 試完呢間之後，我決定唔會再花錢食貴價泰國菜。呢間餐廳係過江龍，總店在泰國，香港呢間環境一流，但食物認真麻麻，得個樣，價錢更加唔好提。
- Jan 25 Sun 2015 19:08
GLOW@西環 (closed)
位置在西營盤街，幾隔涉。店面細細，幾cozy，招呼好好。食到好飽，又係人出錢我出命的一餐。食物不俗，但口渴指數幾高，有誠意的小店，希望可以維持落去。其實呢區消費力應該有番咁上下，小店星期六晚都唔滿座(可能我地太早)但用餐期間見幾對couple 或單身人仕坐底叫幾隻生蠔加杯白酒，食完就走，似我落街食雲吞麵咁，真係山大斬埋有柴。
香港食食食 (25)
