日本人開的意大利餐廳，菜式簡單，選擇不多但款款精美。食材大多來自意大利及日本，新鮮美味，茄有茄味，牛有牛味，連配菜同醬汁都做得好好。煮得好有心機，值得一試，但餐廳細細，只有約十多個位，都幾迫，最好先訂位，而且餐牌時時轉。
- Mar 16 Mon 2015 18:59
Trattoria Queen Hollywood@上環
- Mar 13 Fri 2015 23:37
南海一號@尖沙咀
環境一流，午市四人套餐包6個點心/冷盤，兩個小菜，一個湯，每位$130，咁嘅裝潢唔算貴。點心味道唔錯，但小菜咕嚕肉同豆鼓雞煲就麻麻。不過唔知點解硬係覺得好有遊客feel，試過就算。
- Mar 10 Tue 2015 11:51
皇后冰室@旺角
近年，茶記都高級化，好多都係集團經營，就如呢間皇后冰室。早餐雞扒太陽蛋午餐肉蕃茄湯底螺絲粉，再加即磨咖啡。無咩特別，只屬正常。但最慘唔係咁多地方可整到呢種正常味道的早餐，租金，人工，原材料，樣樣加埋，獨立餐廳係咪真係可以維到皮？無支大水喉喺後面射住，做一個咁嘅早餐要賣幾錢？最後，好多都捱唔住關門，剩下的就係集團玩哂。作為消費者的我，好多時想幫襯小鋪，但有質素的都買少見少了.......
- Mar 04 Wed 2015 21:54
山頂餐廳@山頂
當年拍拖勝地，感覺浪漫，今日變得大眾化。食tea時間，露天雅坐要訂位，室內就大把位。餐牌國際化，不同國家的大路菜式都有齊。食物幾有誠意，mussel 肉夠滑無渣，伴碟的薯條係厚切。蒜容包伴原粒蒜頭，遊客餐廳算係咁，味道都唔錯呀，價錢當然都唔錯。不過遊客區中的遊客區來講都唔算貴。
- Mar 01 Sun 2015 00:12
新斗記@佐敦
- Feb 26 Thu 2015 23:51
多啦A夢stand by me
整套戲由叮噹結識大雄開始至發展友誼至離開，故事完整，著力描寫叮噹同大雄的友誼，以戲論戲，感覺普通，什至得有點悶，而且睇唔慣立體精緻畫功的叮噹大雄，不過未來世界的一part幾得意。但其實無論套戲係點都不重要，大部分人應該都係醉翁之意不在酒，睇的係一份回憶，因為入場的你和我都係與叮噹共同成長，各人有不同回憶，一路睇一路想起小時候，幾有趣。
- Feb 26 Thu 2015 01:10
香港美食 ： Waffling bean@西環
- Feb 23 Mon 2015 01:45
大熱高湯麵@北角
好多年前食碗日本麵都要七八十蚊，而家有d更要過百。成日諗，味精湯都賣咁貴，講湯底，大地魚湯雲吞麵都勁呀，點解賣唔起價？我國的老火湯咪仲勁？之後見到呢間店，分別有三款湯: 大高湯(老雞，金華火腿加豬骨)，白高湯(大量鮮魚加岩鹽)，黑高湯(牛骨，牛腩加羅漢果)d湯標榜無味精，個個湯熬幾粒鐘，套餐一碗麵再配兩至三個點心，可選不同粉麵，點心有十幾款揀，idea 幾好，將中國麵upgrade，誠意可加，味道都ok，不過話無味精，但食完都有點口渴。
- Feb 21 Sat 2015 22:34
荒失失企鵝
想當年睇「荒失失奇兵」時，客串的幾隻企鵝已好搶鏡，今次擔正，當然要捧場。故事都係圍繞打敵人同營救拍檔之類，簡單胡鬧，主要睇幾隻企鵝有幾可愛，應該唔會係呢個檔期的首選。
- Feb 21 Sat 2015 08:19
12 金鴨
上年陪人睇「金雞SSS」,在無期望下笑到碌地。今年在充滿期待下睇「金鴨」，好失望，全塲笑唔出，吳君如雖然唔係美女，但扮男人都真係唔得。全套戲好鬆散，想講做鴨的辛酸及鴨亦有人情味，但都好表面，不過港產片又真係唔好有要求。唯一賣點係客串名單陣容強勁。
香港食食食 (25)
