Foodie 生活雜誌

(餐廳開在灣仔街市內，門面低調，裝修簡單，心思都放在食物上。)

9/2016 光顧

9/2016 光顧

9/2016 光顧

9/2016 光顧

唔知點解安南比我的印象係好貴，可能覺得係好心地集團，唔應該咁貴，雖然口碑唔錯，都一直無去。今晚原本又去樓上簡單人生開婦女會，但見安南無限用餐時間，即管試下新嘢。裝修幾靚，好有殖民地法蘭西風味，估唔到又幾好食喎，所點食物係一般菜式，飲品石榴冰我唔敢講係真材實料，但起碼唔係化學水，柚子沙律新鮮，春卷熱辣辣，蝦餅彈牙，燒牛肉濱海牛肉香蒸米粉滑，係個田雞焗飯乾左少少，整體唔錯，下次可以試下其他特色菜。

石榴冰

 對於X Japan的認知，係一隊打扮古靈精怪，鬼殺咁嘈的band。睇呢套戲係因為被樂隊的傳奇背景吸引 : 隊中的主音因為被邪教洗腦而退出樂隊 (十年後重組)，另外有兩位隊員先後自殺死亡。但入場睇完後，反而被樂隊靈魂人物YOSHIKI 吸引，一個外表如此柔弱温柔的人，一上台居然好似變左另一個人一樣，非常狂野，充滿力量，將背負住的忿怒盡全力發洩出來，令人驚訝，而且多才多藝，才華洋溢，面對樂隊解散、隊友逝世，一身傷患都一一撐過，傳奇人物應該就係咁？亦因爲電影，令我知道原來X Japan 的主音聲線嘹亮，唱歌好好聽。睇完套戲之後我無變成X Japan的歌迷，但好高興可以認識到一隊如此厲害的band (雖然遲左幾十年)

9/2016 光顧

咖啡弄落户香港後都未幫襯過，因為唔想排隊。在台灣食過，食物唔錯，但最令我有印象的係充滿活力，笑容可掬的員工。反觀來到香港，員工笑容欠奉，如遊雲般在餐廳徘徊，裝修無特別，座落於舊樓中，一路坐一路地感到地板有點搖。我只係點左兩杯飲品加個咖喱牛腩，可幸食物品質同台灣一樣不錯。不過而家香港咖啡店遍地開花，好多質素都唔錯，未必要來呢間。

(地方高雅簡單，似去人地屋企食飯)

8/2016光顧

人氣甜品店，有人話好得，有人話不外如事，呢晚終於遇上。$37一碗杏仁露，淨係睇價錢都知出名......出名貴?稀了了杏仁味又唔香，唔得。朋友對桑寄生蛋茶激讚，話隻蛋入味，蓮子又圓又大粒。個雞蛋蛋糕...究竟有咩特別呢？

杏仁露

9/2016 光顧