Foodie 生活雜誌

11/2017光顧

貴價小食店，菜式係墨西哥加日式fusion ，每道菜都小巧精緻，材料新鮮，配搭有新意，味道複雜，醒胃刺激。餐廳不設訂座，要人齊至可以入座，侍應態度友善，但手快腳快，有點好似想催你埋單的感覺，味道係好，但值唔值得就見人見智，喜歡新鮮感的不妨一試。

11/2017 光顧

家陣食火鍋真係好多選擇，材料新鮮係必然，相機食先更重要，就好似呢間火鍋店，餐具及擺碟都好浮誇，好彩睇得又食得。材料新鮮，食物有新意。若果唔點海鮮，價錢都可以接受。不過限時交枱，用餐時間分兩輪，6-9同9點後，有點掃興。

10/2017 光顧

新派中菜廳，地方雅緻，招呼好，點心精緻，食物味道好，但食完有點口渴，價錢貴，剩係個海景加兩舊，加上用熨斗熨枱布，加多三舊。

(外賣店，我就企喺右手邊個角落食，老闆攞開個煲就成為飯枱)

10/2017光顧

見到食友post條燒秋刀魚極吸引，去開呢邊，不容錯過。原來朋友都係此店的粉絲，一呼兩應，大家一齊去食。食店開喺food court，三邊圍住吧枱坐，另有幾張細枱在旁邊。主力賣海鮮丼同燒魚定食。我地三個都點燒魚，即點即燒，雖然用電爐，但仍燒得香脆可口，嫩滑juicy，無介紹錯，值得一試。

10/2017光顧

素聞WHISK 的午市套餐抵食又好食，終於安排一次同太后來食。餐廳裝修可能因為用色關係，有點殘舊，而且枱與枱之間距離近，我坐近通道，成日被侍應碰到張櫈，感覺麻麻。除此以外，問題不大。set lunch餐牌內starter，main course 同dessert 各有幾款菜色選擇，可以揀2 courses、3 course、4 course套餐，部份菜色要另外加錢。套餐包果汁或餐前酒，咖啡或茶，頭盤精緻，main course 大大份，味道好，指定信用咭仲有85折，真係幾抵食。

10/2017 光顧

口碑不錯的餐廳。一般上海菜菜色都有齊，我只點小菜，除左冷盤令我失望之外，其他食物都不俗。餐廳在商業大厦內，佔三層樓，裝修高雅，坐得舒服，好多熟客，分兩個時段食，質素不俗，不過其實餐牌內有好多特別菜色，朋友幫我慳荷包，只點普通小菜，有點如入寶山空手回的感覺，有機會要食下手本名菜。名店價錢唔平，幾個小菜已經食左過千。

斷不了 捨不下 離不開的33件珍品

山下英子女士著作「斷捨離」相信好多人都睇過，我睇完後印象不深，只知潮流興斷捨離，好多人都認為掉哂d身外物，只保留生活必需品，過清爽簡約生活就係斷捨離的意義。其實作者想傳達的意思係要好好審視自己的需要，過重質不重量的生活，其生活態度就於此書中反映出來，道出「珍愛物品就是珍愛自己」的道理。