Foodie 生活雜誌

2017山陰山陽大阪遊 遊記篇 Day 4 (餐廳 : 大江ノ郷自然牧場　ココガーデン ）

每次去日本總係要食pancake (其實唔只pancake😅)，因為個空氣感同蛋香喺香港絕對食唔到。今次去的地方較為鄉下，又估唔到喺山巒間的鄉郊牧場會係兩幢現代化的建築物，而建築物內會提供咁多美味食物。牧場以出產雞蛋「天美卵」為主，而餐廳食店就提供由天美卵製成的食品。喺開陽舒適的環境食個下午茶，感覺非常悠然。另一楝大樓內的美食亦都吸引，可惜胃納唔夠，已經食唔落。

一大清早出發去賀路港鮮魚市場食早餐，今日天氣麻麻，落雨又大風。印象中的魚市場係好熱鬧好多嘢食，點知到達目的地時只覺空曠又冷清清，得幾間小商店賣海產貨品，裝修簡單，食店又未營業，有點失望，原來我停錯地點，去左對面的浜下水產店。著名的海鮮市場係對面一排紅磚屋內，市場9點開始營業，同日本好多海鮮市場一樣，客人可以即時於場內海鮮店選海鮮，再交由店家即塲烹調，蟹季當然最多人食蟹，不過我夜晚食蟹餐，所以放過佢。最後去場內食店賀露丸食幾碗海鮮丼就算。

酒店外貌，比較大型（圖片摘自網上）

鳥取只留一晚，酒店選擇不多，好多都係房間面積較細，揀來揀去只得呢間。傳統大酒店格局，但好明顯有點歷史，大堂房間有點舊。地點方便，對正車站，步行至商店街只需五分鐘。

(餐廳在喑黑小街上，門口堆滿放住海鮮的發泡膠箱。鳥取唔係大城市，店舖好早關，晚上7點多街上已冷清清)

鳥取砂丘，一個一直介乎於想去與唔想去之間的景點。因為睇相唔覺得吸引，但呢個景點係去鳥取的唯一理由。原來去到現場的感覺同睇相真係不一樣，一個有點似沙漠的大砂丘，前面就係大海，感覺幾壯觀，當日氣溫因得十一、二度，大風大雨，參觀砂之美術館時仍然落住大雨，一心諗住鳥取沙丘會變鳥取泥沼，點知受上天眷顧，參觀完美術館就停雨，行砂丘期間仲有點點陽光，行完之後又落大雨，真係天公作美🙏🏻🙏🏻

一早起床見外面落大雨，氣温驟降，感覺不爽，不過有理無理，先往對面一之湯洞窟風呂享受晨光第一浸，雖然天氣唔好又好早，但原來已經好多人浸緊。浸完之後去附近散步，欣賞城崎溫泉日間景色，回旅館食完早餐就起程去鳥取。一早過旅館對面的一之湯，遮架放滿遮，好多人呀。

(旅館門口似古老大宅)

今日喺酒店食完個抵食早餐，去附近攞車後就出發往城崎溫泉，由於朋友第一次自駕遊，要習慣下，所以慢慢行，去高速的SA行下，道之駅食個午餐，去到城崎溫泉已經三點幾，喺酒店安頓好差不多又天黑。幾個儍瓜換好浴衣，著埋木屐行温泉街，點知原來著住木屐好難行，大家步步驚心，行完條街似受難。城崎溫泉有七個外湯，入住旅館提供通行證，可以免費入場，又有商店街同海鮮街，一個發展好成熟的温泉區。我地影下相，四圍行下，再選一個外湯浸，之後就返旅館晚餐。餐後又再浸另外兩個外湯，滿足哂我呢個温泉迷。

(酒店外貌，一間似校舍的小建築 。圖中的車係今次的戰車，toyota wish，7人車坐4人，尾箱好多位放行李。)

12/2017光顧

傳說中水準不俗的三希樓，一向位處中環半山，地點吊腳，總係的唔起心肝去，最近終於肯在山下開分店，一於先食為快！餐廳裝潢高雅，枱與枱之間唔太迫。食物有水準，當晚點的幾款菜色都好味，好滿意。