Foodie 生活雜誌

房型 : 豪華江景客房(雙床)

住完精品酒店，又想試下大品牌，住酒店愈新愈好，尤其係呢類大型酒店，因為入住率高，好快折舊。呢間2024年開業，喺正長沙心臟地帶五一廣場，超級方便，樓下名店小街cafe按摩一應俱全，若只為飲飲食食，真係唔使離開呢區。

五星酒店一切硬件齊備，但住開精品酒店的就覺得所有都好公式化 ，服務亦唔夠貼心。酒店房間夠大，walk-in closet、雲石浴室、無敵江景，呢d又係精品酒店做唔到的，兩者各有千秋，why not both ?所以最好好似我咁，一個trip住兩間😁

地點及交通 ：酒店位處市中心的五一廣場，超級無敵方便，連接IFS商場及地下街，落雨不怕落雪也不怕。不過商場關門後要行外面入，行好遠，好煩。

附近環境 ：市中心似咸淡水交界，貴價新型商場賣牌子嘢，附近亦有老街食地道食品，對面係步行街，背面有文青小巷，各式其式，好多選擇。

房間設施 : 房間好大，位處高層，一行入房感應器自動開燈開窗簾，睇埋個無敵江景，似歡迎儀式。walk-in closet、雲石浴室，感覺豪華，房間佈置清雅，傢俬燈飾帶點retro feel，幾有型。

房間的電子馬桶，dyson 風筒，床頭USB插頭，拖鞋，已經係基本配備。LE LABO洗護用品，都係大眾化的佛手柑香味。除左咖啡或茶，其他小食及飲品要付費。房間提供的來自挪威的VOSS 礦泉水，幾認真。(八卦左比較平的房間，用的水唔同)

餐飲 : 我只食左自助早餐，食物非常豐富，不過客人多，有點亂。

服務 : 標準服務，不多不少，可能酒店實在太多客人，未能做到賓至如歸。酒店大堂喺高層，要喺樓下上落車，再搭𨋢上大堂，但地下大堂無放坐椅，結果個個客企哂喺度等車，我覺得好唔貼心。

房間幾大，朋友訂房時講左有記念日，所以有玫瑰花及果盤，但估唔到我間房都在，搞到我要掃花瓣。

衞浴夠大，like

洗護用品都係用LE LABO，似乎呢期興

walk- in closet，放好哂衫唔使四圍搵

客廳望江景，居高臨下，望得好遠，晚上仲有燈飾，好靚

就係呢個景令我唔想離開酒店

夜景

玄關著鞋位夠哂寛敞

有藍牙喇叭

紀念日set

浴缸都有花瓣，煩

自助早餐好豐富

高層大堂

welcome tea都係企喺度飲

酒店連接商場，塲內名店臨立

商場連接酒店入口

正門大堂，敞大空間，唔明點解無個休息位