Foodie 生活雜誌

今次旅程係源於大灣航空的米子直航，我想去山陰境港嗰邊，揸車過去幾遠，有直航就慳好多時間了。今次坐大灣航空的經驗良好，航班時間啱我，機艙新淨，座位唔算窄，坐得舒適。四點幾到達米子後，攞得車嚟都五點，醫完肚去行無印，因為睇中兩樣產品平香港三份一，買左先。跟住去酒店check in，當然要整多餐串燒餐做宵夜啦😁

感謝朋友仔帶我去食早餐，唔使等位，真好

搭乘大灣航空，感覺良，好無飛機餐無影音系統，但今時今日仲邊係問題？自己搞掂啦。不過見機上的食物都唔算貴。

不經不覺三個幾鐘

米子機場，好細好靜，唔揸車可以坐交通工具，有哂指示，好方便

今次經豐田租左架Sienta七人車，之前租過，好實用。我哋坐四個人，尾箱可放四個29吋喼後仲有點位放袋(圖中係29” x 3 + 26” x 1)

先醫肚，第一餐居然係意大利餐，因為見G神的評分高。餐廳喺入城前的路上，點左沙律，pizza，原個芝士即撈卡邦尼，堂弄mont blanc粟子蓉，處理認真味道好，成餐加埋唔使五舊港銀，感動

鄉下都係行AEON mall，作為一個C9，一間3 coins 足以消磨一小時plus。而家去日本無乜特別想買衫，通常去靴下屋、daiso、3coins、無印、藥妝補貨就係。

日本串燒係我必食之選，每個旅程至少要食一餐，係至少一餐