法國與日本都係我喜歡的國家，呢套戲將兩個國家的文化差異放在一起，當然有興趣一看。女主角愛美麗係比利時人，雖然在日本出生，但至5歲已回比利時居住，之後一直對日本文化著迷，至20歲就回日本，以教法文為職業，之後遇到富有日本學生再成為情侶，男友帶佢深入了解日本文化，慢慢地，亦認清理想與現實係兩回事，加上後來的三一一事件，更加令愛美麗明白自己只係一個外人。故事簡單，套戲普通。不過令我有點慨嘆，總認為旅行與生活係兩回事，就算你如何喜歡某地方，一旦在地生活，面對日常瑣事，心情就係兩回事。曾經聽人講過，旅行就係由一個你住得悶的地方去一個對方住得悶的地方（一笑），覺得好真實。好多時聽到有人想移民，但大多數係因為厭倦既有生活，嚮往另一地方的美好，但好少係聽到因為了解同清楚另一地方而決定移居。講到尾，都係為左逃避罷了。好在，雖然發生左好多事，但我仍然熱愛香港，所以繼續去旅行就好了😊
全站熱搜
留言列表
香港食食食 (25)
