Foodie 生活雜誌

今日坐小型飛機由Manyara 飛去Central Serengeti，大約飛一個鐘左右。 第一次搭小型飛機，全機得十二個坐位，又細又窄，因為機程短，尚可接受，中途仲會好似巴士咁停站，好過癮。去到Central Serengeti，又稱The Big Cats Region，big cat 係乜？即係豹、獅子囉。落機後先去酒店食lunch，原本lunch後去safari，但途中突然落起大雨，無法繼續行程，唯有返酒店hea。原本諗住平淡過一日，點知晚上的獅吼至係亮點，想知發生咩事？睇埋d相吖😁😁

小型飛機場

兩間屋仔，一間係arrival hall ，一間係departure hall

閘口都係手寫，好raw

我地搭呢種機

搭小型飛機好隨意，事前agent 已幫我哋訂好機票，有時間及班次，但無機票，9個人，只有一張print out list。而且起飛時間隨時有變，要當地tour guide喺起飛前一日確認。

tour guide送我哋去機塲，直至入閘至離開，好交帶。入閘後自己搞掂，過關後揾職員登記，確認班機，交行李比職員，安排好就坐低等職員通知上機。

機上一排三個位，分兩座及單座，中間係走廊，手提行李放機尾

就坐喺機師後面

似電視機一樣的窗，飛得唔高

中途停站，因為得兩個人落機，所以喺前面落，似坐私家車

到著

第二個tour的tour guide 已到達，今次坐開放式吉普車，感覺好free

每人一個水壺作歡迎禮物

出發

另一個景色，一大片草原，一棵傘形樹，我心目中的非洲模樣，好似又進一步靠近非洲。

呢堆咩嚟？

原來係河馬

禿鷹在樹頂

一堆羚羊等過馬路

著裙的長頸鹿

到酒店食lunch，大堂好舒適

半露天餐廳

酒店喺小山坡上，望出去係樹欉，有不同動物經過或停留，今日係一堆水牛，後來知道晚上有獅子圍

午餐，一大碟自己分

餐後出發safari，可惜遇著大風雨，架車又係開放式，好呢hea

決定回程，結果見唔到動物，卻見到好多彩虹

番到酒店雨又停了，呢間酒店包酒水，當然要飲番杯

喺咁wild的環境同好友把酒談心，感覺永留心中

日落了

晚餐時間

晚餐有湯有main course及甜品，main course 可選魚或牛，仲有南非紅白酒提供

食食下飯，突然聽到野獸的低鳴聲，喺曠野中特別響亮，記得睇酒店簡介時，寫住「能傾聽大自然的聲音」之類的說話，又話入黑以後若要外出，一定要由職員陪同，因為附近晚上有獅子在附近徘徊，初聽到覺得誇張，心諗 ： 又真係做戲做全套喎，soundtrack 都播埋….. 直到見到職員用燈射向住樹叢照，話附近有一群獅子覓食，想揾獅子比我地睇，我至信真係有獅子😨

晚餐後，當然要由職員送返房，驚驚

話說房間的shower 喺露台，當我同室友喺露台研究緊點沖涼時，突然聽到獅子嗚嗚低叫，聲音就似喺我隔離，我地即時嚇破膽，立即返回房間並關上門，原來聽聲恐怖過見到真獅子😱😱超恐怖。回想起都覺得搞笑。

之後要啤一啤定下驚，當然係飲非洲啤

晚上見到星河，其實行返房間時已見到滿天星，可惜唔可以行出去，只能喺露台窄角度欣賞。