Foodie 生活雜誌

兩間我喜歡的cafe 放埋一齊，無理由唔幫襯。nutmad 由前身係PREGIO時已幫襯，之後PREGIO關門大吉再喺觀塘店開業已經係坐上客，最喜歡法蘭西多士及卡邦尼意粉，後來因為水準下降再無去。至於n.o.t係一向我喺銅鑼灣的愛店，今次利苑商場裝修，搬左過來同nutmad放埋一齊。聽講係短租，等商場裝修完至知會唔會續租。nutmad 主要負責食物，好彩出品不俗，n.o.t提供輕食加coffee，以我喜歡假日早午餐齊食的人就啱哂。餐廳開放式，從前賣意大利包Panino Giusto個位(OMG I really miss u)。唯一有怨言係無免費水供應😐

宮保雖丁。辣椒 •意大利卷粉

中西合璧，組合幾新鮮，味道唔錯。casareccia有咬口，少少辣，幾惹味

粟米。伊比利亞黑毛豬肉粒 • 墨西哥芝土烤餅

上枱時仍然係熱的，只要係熱溶的芝士就點都好食，餡料滿滿，賣$78，抵啦

慢煮印度牛面肉 •法式牛油軟包

我試左少少，牛肉幾柔軟，配酸瓜醬，幾好食，下次要成個食

煙燻豬豬-卡邦尼（不含忌廉。但含有生雞蛋和芝士調配而成的新鲜蛋汁）

卡邦尼係餐廳的皇牌，採用正宗做法，唔用忌廉，由於香港餐廳習慣提供忌廉版，所以要講明。不過呢碟味道帶甜，而且煙燻豬好細粒，只係合格。

1/2 法式多士•雪糕 •自家製牛油(
士多啤梨•蜜糖 •羅勒牛油)

之前就係因為食兩次法蘭西多士都係燶的，令我放棄幫襯。今次回復水準，值得一試

三杯咖啡，即係不經不覺來左三次

upgrade 左用電子牌，等咖啡終於唔使再叫名

開放式環境，兩間餐廳各佔一方，其實可以兩邊坐，室外都有位，天氣涼點可以坐下。