Foodie 生活雜誌

4/2023 光顧

我間中都會食下漢堡，所以今次揀左以食漢堡為主的餐廳。餐廳主打以新鮮魚做魚柳漢堡，除此以外，仲有d創意菜式。食物出品認真，老板有禮貌又有誠意，漢堡包我就一般，下次有機會可再來食魚湯烏東。

黑松露醬沙巴龍躉漢堡

魚扒有魚味，當然唔係麥當當的魚柳包可以比擬，吉列炸漿厚薄適中，炸得剛剛好，全無刮口感，juicy得來唔會油淋淋。不過魚柳無想象中厚肉。黑松露醬的松露味唔太搶，我喜歡。個包有彈力，整體不俗。

腐乳味薯條

貪得意點。店主好有趣，以為我食完個包唔夠飽要點薯條，猛咁同我say sorry ，真客氣。薯條厚切，即點即炸，經處理過的腐乳，切開變成粉抹，拌沙律醬食，幾得意

黑啡，居然會跟一片朱古力咁高檔

家陣興食精品漢堡，唔再係快餐店層次，個包講究d，食材認真d，醬汁又特別d，加埋就成為一個貴價包。多款漢堡選擇，其中一款「余均益蛋黃醬牛脷漢堡」幾特別，可惜老闆話余均益及牛脷加價太勁，成本太高，已經無做。 

餐廳喺太安樓內，細細間，日系裝修幾有心思，香港仔都有分店