close
4/2023 光顧
有日行過停低睇餐牌，主廚出來介紹，咭片上寫滿銜頭，咁有誠意，獨自經營細細間小店，要支持下。先來食午餐，食物味道唔錯，食得出係心機之作，但弊在我想食的都無，當日想點洋蔥湯、提拉米蘇都無，最過份連咖啡都話無，因為咖啡機壞左，攪到我好無癮。見餐廳門外貼左招聘廣告，由助廚到樓面到洗碗都請緊人，當日見大廚連外場都要做埋，要兼顧咁多嘢，點都會影響出品質素，悪性循環，正所謂獨力難支，心諗點捱落去？做生意真係唔容易。
什菜湯
原本嫌雜菜湯太普通，想點洋蔥湯，點知個湯又唔錯喎，好清甜，湯內的薯仔粒、紅蘿蔔切到細細粒，仲有粟米，唔係雪藏嘢，好有心。
Guinness 燉牛面肉配手工德國麪團
味道偏濃，麵團有咬口，牛面肉有少少焦香，簡單好味。
午市餐牌，我嫌佢有點娘，同主廚唔多襯。百零蚊個午餐有湯有飲品，喺呢區算係咁，點解我無影飲品？因為無咖啡，我都無謂求其點杯加重佢負擔。
餐廳細細，坐滿都可以容納到18人，似夢幻西餐廳
全站熱搜
留言列表
香港食食食 (25)
