Foodie 生活雜誌

時尚豪華温泉旅館。其實我好少幫襯集團式温泉旅館，覺得好格式化，而且價錢唔平，但見佢新開，傳媒又吹得好勁，加上兌換價低，即管試下，結果都係覺得獨立中小型旅館適合我多d。

旅館喺強羅温泉區的小山坡上

酒店大堂，有點迫夾

簡單歡迎飲

旅館由兩座建築物組成，用木走廊連接

最基本房間，一房一廳，個室風呂，一般高級房間配套 : Smart TV、Dyson 風筒、BALMUDA水煲、今治毛巾，燈光設計有氣氛，但對我來講就頗暗。房間床鋪非常舒適，給我一夜好眠。

玄關的香氛礦石，香氣好舒服，用香味帶領客人進入另一國度

房間面積大，入玄關後係洗手間，再入就係睡房、客飯廳及衞浴

房間向馬路，以一排大樹分隔，保障私隱

旅館提供多款飲品，掛牌的要收錢

左面浴室右面睡房

睡房床褥好舒服

淋浴連風呂，似酒店浴室，分別係風呂旁有一大軟墊供休息，窗戶可以打開，涼風吹入來，咁至有點浸溫泉feel

晨光第一浸爽YY

呢個小櫃設計幾貼心，若你有需要問職員攞物品，職員可將小物放放櫃內按鐘通知後就走。咁職員又唔使等，住客又唔使趕開門攞，唔錯👍🏻

往大浴場

浴場並非露天，當初訂旅館就係為左呢個大浴場而躊躇，我始終係喜歡傳統的露天日式亭園浴池，呢個現代化仲要係室內，好侷促，好彩可以開窗。

有飲品及雪糕提供