Foodie 生活雜誌

4/2022光顧

食物幾有心機整，但當日的遭遇就令我不快了。話說當日訂左十點食早餐，十點十五分都未開，只開左半閘，因為帶住太后，唔想四圍行，加上好多餐廳未開，所以冒昧入去請店員比太后坐低先，原來只得廚師番左工，佢好好，比我地點餐，但飲品未有，因為負責水吧的經理未番。直到十點四十五分，經理終於頂住一頭亂髮番工，小店至正式營業。我係訂位唔係walk in，即係一早約定，若未能準時開鋪，可以唔接，若遲開十五分鐘我都可以接受，但遲大半個鐘就好離譜，若唔係帶住太后，我一定去左第二間。所以我食完嘢，咖啡都無飲就走，當然我唔會再去第二次。

北非芝士番茄烤蛋配酸種多士

賣相幾靚。大量洋蔥加點肉末及香料煮成醬汁，加蛋及番茄焗香，用鐵pan上，熱辣辣，洋蔥柔軟清甜，同香料醬汁好夾，醬汁味濃，蘸麵包食好適合，加兩隻蛋增加飽肚感，配乳酪醬，可惜我食完至發現自己無郁過碟醬。自製sourdough質量一般。

自家製純素腰果忌廉芝士配車厘茄酸種多士

食到腰果香的芝士醬塗在多士上，面頭鋪滿車厘茄，焗熱後車厘茄柔軟juicy，整個設計簡單得來有點特色，味道唔錯，幾好。

當日準時去到，未開門

喺附近行個圈想揾第二間，但太后無心水，唯有再回來，見到半開，厚面皮地行入去，想比太后坐住等

我離開的時候終於見到店面的全貌了。