Foodie 生活雜誌

12/2021光顧

朋友睇面書時彈左餐廳廣告出來，咁啱朋友喜歡食青口就去食，所以咪話喺面書落廣告無用。睇餐牌見樣樣食物都好heavy咁，點知又幾好食喎，成餐食完充滿罪惡感。假日仲有kids menu，只要於餐牌內點一個main course，9歲以下的兒童就可以喺kids menu 免費任點一款菜式，幾抵食。

炸雞翼 睇到面嗰層芝士醬就知有幾邪惡。雞翼炸得火喉剛好，外脆內嫩，食的時候仍然熱辣辣，芝士醬芝士味重，唔係溝左粉的芝士汁

藍芝士汁青口 青口嫩滑，芝士汁濃厚合度，剛好包住青口，唔揀炸薯條，來點新意思試下炸饅頭，饅頭炸得金黃，咬落帶點煙靱又香口，蘸芝士汁食到唔停口。

意式香草番茄包 麵包上滿滿的番茄，青醬唧在碟上，兩者用料新鮮，加上大量橄欖油及芝士，好清新。食完之前兩度較重口味的菜色，更覺refreshing 

迷你芝士漢堡 小朋友餐，免費都唔欺塲。漢堡扒juicy，bun柔軟，加上重芝士，細細個食得方便，啱哂我，所以我搶左小朋友一個來食，薯條新鮮炸起，好香口，唔太幼，有質感

酥皮蘑菇湯 酥皮油皮比油酥多，酥鬆之餘質感較柔軟，但食落唔油膩。蘑菇湯湯頭好濃滑，內有蘑菇粒，飲落有質感，好飲，但肯定加左大量奶油，又再倍添罪惡感。

Tiramisu 有驚喜的tiramisu ，分量足，芝士細滑，咖啡酒味香濃，濕度及甜度都合我心意，食得好滿足

餐廳好大間，日間係兒童樂園，有手工枱，晚市係睇球賽的酒吧，見到手工枱後的鏢把遊戲枱，日與夜，老少咸宜

小朋友的遊戲角落

露台位，可以出來透透氣