Foodie 生活雜誌

5/2021光顧

去九龍城買餸順便揾間cafe食早餐，九龍城基本上每條街都有cafe，試過幾間都無乜回頭意慾，不如試新嘢。經過見到呢間幾靚，日系咖啡店，無論裝修用具及餐具都有精品的感覺，餐點頗多素食選擇，配搭幾有趣，多款咖啡提供，奶啡、手沖、虹吸、特飲都有。食物同咖啡都唔錯，但好多人幫襯，晨早去到已爆滿，想去第二次都要諗諗。

店長好年輕，坐喺吧枱同佢閒談，原來cafe係「過海龍」，總店在西環，同店長笑話店中侍應似金魚，即係不斷無目的地行來行去，但又無做過d乜，好搞笑。店長都無奈嘆氣，係咁同我呻請人難，我笑話邊有咁多好似你咁年輕又醒目的員工？不過餐廳新開，希望磨合後會變好吧。

忌廉蘑菇酸種包  套餐配上生杲、沙律及奇阿籽布丁，感覺健康，酸種麵包上係忌廉煮雜菌，有本菇及雞脾菇，口感juicy，最特別係入面加左豆腐，口感有如cheese一樣，好特別。奇阿籽布丁都幾得意，奇阿籽好似西米咁，加豆奶溝埋，再加果jam，撈埋一齊空口食又得，用來搽麵包都得。

cream sauce 內藏豆腐。原來設計餐單的靚女係西環店的常客，主攻素食，可能同cafe理念相近，之後做埋顧問，佢話遲下會去英國修讀有關食物的課程，希望回來後會有更多新菜式。

焦糖香蕉酸種包 朋友點，無講嘢。

朋友點的拿鐵，望落幾香濃，啡色的皮杯墊印有咖啡店的名，好襯間咖啡店

點左杯手沖 El Salvador Shekinah，照舊飲唔出餐牌寫的味道，而且有點酸。

小小木托盤都印上店名

店長請飲小杯手沖Ethiopia Guji Shakisso，飲完至記得影，所以係吉杯。入口感覺醇滑，味道溫和有果香，我喜歡呢隻豆多d。

店長話咖啡唔同沖法唔點同味道，我又點杯Guji 虹吸，果然味道較濃厚，而且明顯見到一層油浮面。

其實我好少連續點兩杯咖啡。事緣係我之前點餐等左半個鐘以上，隔離左右遲過我來都食完，同侍應反影左，佢地不厭其煩地幾次向我話整緊，唔煩都比佢搞到煩，之後店主來了解情況後free 左個包比我。我反對無效，就點番差不多價錢的咖啡好了。

cafe 門面好日系，喜歡旁邊的小氣窗，cafe新開張，好有人氣，有多款座位，有吧枱及靠牆坐位，坐滿人都幾迫。深色木材裝修，配上皮椅，感覺高雅有型，晚上變身做酒吧，似係聽jazz飲下whisky嗰d feel 。

樓底掛上枯樹做裝飾

近門口的窗邊又有一列吧枱

門口小座位，迷理梳化及木櫈

小角落

仲有後巷小吧枱位，有relax感

吧枱的咖啡工具好似好專業咁。

菜式組合有點心思