Foodie 生活雜誌

5/2021 光顧

請尊敬的朋友食飯，佢話喜歡食牛扒，當然唔敢怠慢，揀左呢間專食牛扒的餐廳。環境唔錯，食物味道ok，價錢合理，最緊要朋友滿意，食得開心。食物份量好大，胃口小的人可考慮點個湯及頭盤再同朋友share 套餐。

有套餐同散點，我對牛扒興趣不大，所以散點洋蔥湯同蟹餅，兩位朋友食套餐。

炎炎夏日，點兩杯特飲消暑

先來洋蔥包及牛油 麵包鬆軟，牛油滑溜有鹽味，正，最怕淡而無味的牛油。

洋蔥湯 散點。我喜歡的焗洋蔥清湯，厚厚的芝士麵包下係濃郁的洋蔥清湯，好香好rich好好味。

蟹餅 散點。我只喜歡煎蟹餅，唔喜歡炸蟹餅。蟹餅兩邊煎得金黃微香，炸漿少但唔鬆散，啖啖都係蟹肉，睇相都見到一梳梳，好滿足。蟹餅若選頭盤係一件，點main course有兩件。

套餐的龍蝦湯 好香濃 真材實料，真係有龍蝦肉

主菜 牛柳配蟹餅。朋友幫我慳錢，只點餐牌內的standard 6oz免翁牛柳，煎得幾靚仔，我試左少少，咬落柔軟但無乜肉味，可能加錢食其他部位會好d?

主菜 牛柳配龍蝦尾，龍蝦尾睇個賣相都夠照。我以試左少少，都幾爽甜彈牙。

side dish 朋友揀左忌廉菠菜同炒蘑菇，兩樣都好好味喎，蘑菇好juicy，菠菜好滑，若果唔係怕肥，真係食鬼哂佢。

甜品係焦糖布甸及朱古力蛋糕，朋友話朱古力蛋糕好脆邊，好味。

餐廳喺Shareton Hotel 內，部份坐位有海景，幾光猛

環境modern 舒適，我好少去酒店扒房，印象中係好老氣，我估近年都應該飛甩老土了？

厚厚的wine list 及drink menu