close
4/2021光顧
嚟呢間餐廳真係三顧草蘆，之前兩次來，一係未開一係收工。呢次終於食得到，店內老闆及幾位老伙記團隊勤快合拍，店子小小，清潔整齊，食客大部分係區內客，外賣堂食點菜自動波，諗都唔使諗，反而我喺雞火煨麵同雲吞中間猶疑左好耐，最後大叔幫我揀，因為雲吞賣哂。不過小店預貨似乎預得唔多，我幾次星期日去，水餃雲吞一早無哂，係一次十二點左右至食得到。上次兩點零去到，連豆漿可樂都賣晒，真誇張。
雞火煨麵 煨麵上枱，見到奶白色的湯底已滿心歡喜，果然湯濃味美。湯底因為加左花奶厚身左，好掛麵，冬菇用酒醃過，雞肉切成丁方塊，大細剛好，加埋蔬菜，大大碗，好味又飽肚。有清茶供應，讚👍🏻
菜肉雲吞 雲吞飽滿，饀料切得幼細，餃皮厚薄適中，味道濃淡合度，大大粒，唔使加麵都飽。大叔叫我下次加雪菜，會更好味。
大排麵，即炸豬扒麵，麵條滑溜，湯頭偏甜，豬扒薄身，炸得頗乾身，但係預先炸好，炸粉有點腍，味道不濃不淡，麻麻地。
小店喺平台上，街坊老店，有中場休息㗎
全站熱搜
留言列表
香港食食食 (25)
