Foodie 生活雜誌

5/2021光顧

以前去大陸的二線地方最愛食山東菜，喺我心目中的山東菜就係餃子，糖醋里脊，其實都係家常小食，真正的山東菜又點會咁簡單？山東菜，又稱魯菜，打開餐牌，多款菜式名稱特別，令我好奇，當晚所點的幾款食物都好味，可惜今次人少又細食，食得唔多，下次要同班大食積來至得。餐廳地方比較迫夾，冷氣唔多夠，要有心理準備。

山東涼菜 似中式沙律，將大白菜、青瓜、海蜇、豬耳等切條撈埋一齊，加少少麻油涼拌，清新好味

草捆牛骨 肉質柔軟入味，帶點肥膏，好juicy，似食牛腩，配埋個蒜香辣椒豉油更惹味，小朋友問我啡色碟醬係乜，我隨口答話係麻醬，原來係芥辣，結果嗆到佢變樣🤣🤣相中係半份分量，侍應話平日要點一份，因為我個位冷氣唔夠，佢話為表歉意，安排我我可以點半份。其實半份的分量都好多呢。

清心醋溜白菜 山東菜好興以醋入饌，食得開胃，白菜加入筍及雲耳同炒，醬汁濃而不膩，唔錯

酸辣湯 好多料，酸辣度適中，對於我就剛剛好。

劈柴院水餃 即係白菜餃，皮薄饀飽滿，好味。不過店家浸的綠蒜豉油味道較淡

菊花蜜 愈坐愈熱，點杯凍飲消消熱，菊花味香又多冰，正(只因夠凍)

店主為表歉意，送我一碟高力豆沙，中式疏乎厘蛋白鬆軟有空氣感，豆沙起砂又唔太甜，不俗

餐廳喺橫街商厦二樓，樓底高，一列落地玻璃，照計應該幾舒服，奈何室內係長窄型，加上疫情期間，隔哂板，搞到好迫夾。

餐廳自釀多款果酒，下次要試下。仲有好大埕蒜豆豉油

要揾朋友一齊會下呢隻雞至得