都是韓劇惹的禍，搞到我飲食習慣都韓化左。最近除左喜歡喺公仔麵內加隻蛋，仲鍾意配泡菜食，但我唔鍾意超市一盒盒的泡菜，嫌d汁太杰及味道太假，所以無買。最近朋友喺網上訂韓國直送泡菜，我又湊熱鬧。分別訂左白菜及蘿蔔泡菜，兩款蔬菜都爽脆，蘿蔔更食到清甜味，酸辣味唔算太濃，無左人工化的味道，好正。
韓國人通常喺每年的年尾做泡菜，所以唔係成日有得賣。買左一次之後覺得好食，好彩之後又再開團，結果每樣買多兩盒，可以放成年慢慢食。
訂購連結 : (要留意fb出post通知開團)
白菜泡菜 (見上圖) 第一口食落覺得味道唔重，原來係我夾出來時頂部的菜醬汁沾得唔夠多，再食落去至感受到酸辣的勁度。
蘿蔔泡菜 第一口已愛上。蘿蔔爽甜，不過幾大粒，辣汁跟白菜的一樣。
想食烤五花腩，但又懶得出街食，喺屋企自己煎香配泡菜一樣好味
韮菜餅配蘿蔔，配唔配？無㗎，夾埋食覺得無咁油膩囉，叫做多樣嘢夾囉。
全站熱搜
留言列表
香港食食食 (25)
