close
第一天旅程實在太精彩！估唔到去東京要用一日！原本1105的機改到1600再改回1455。順利上機後，原定2000到成田，點知飛機無位泊，在機上乾等個半鐘至可以落機，連過關攞行李，結果要坐1051的火車出城，個天都算待我不薄，比我坐到尾班車。今次住淺草，坐access 特快最方便，但呢架只係普通電車，唔似narita express 畫好哂位咁舒服，我今日咁幸運，當然無位坐要企個幾鐘啦，仲要無直車，抬住行李走兩條樓梯過對面月台轉車，到站後再喺寒冷街頭被的士拒載，千辛萬苦的去到酒店，攰到食唔落嘢，最後晚餐只係食個飯團，第一日的行程就在航班delay 下報銷，真難忘。原來早到的朋友都唔好過，當日東京大風大雨又寒冷，佢地淋到落湯雞咁去到酒店都唔再出來。不過好彩衰運都集中在第一天，之後的旅程好順利又天天天晴，感謝上天安排！
註 ： 若住雷門附近，地鐵淺草站A4出口就最近，回程時若行李太多，就要選A2b出口，因應有𨋢，唔洗行樓梯，但就要行遠d。
文章標籤
全站熱搜
留言列表
香港食食食 (25)
