close
9/2020光顧
多得好友介紹至知有呢間餐廳，睇個名以為食雲南菜，其實係粵菜館。餐廳感覺似老牌酒家，但裝修企理舒適，侍應態度好。菜單只得一頁，選擇不多，屬於簡而精一類，小菜份量足，真材實料，味道不俗，價錢合理，值得一試。
鹽水雞腳 炆得軟爛，好入味。
青瓜雲耳 好爽口，不過醋汁徧酸
杏汁白肺湯湯 湯頭唔算濃郁，帶有杏香但唔會濃到蓋過湯本身的味道，ok。整盅湯分到十碗，真誇張，我地4個人飲，好似飲極都有咁
金皮鹽香雞，雞入味，但雞皮唔夠香
生啫花竹蝦乾椰菜苗，生啫就惹味就椰菜苗嫩，蝦干大到似鮮蝦，好有咬口。
小炒皇 呢個菜感覺幾有趣，唔知係咪隻碟太大，硬係感覺差d嘢。食落其實好足料 : 芽菜、韮菜、魷魚、腰果、蝦干，所以話擺碟真係好重要。
鮮蟹肉粉絲煲 生拆蟹肉份量多，粉絲入味但稍嫌腍左d，不過都幾好味。
餐廳喺商業大厦內，裝修雅致舒適，設有好多間廂房
全站熱搜
留言列表
香港食食食 (25)
