Foodie 生活雜誌

猿倉温泉旅館係秘湯旅館，不過自從呢個世界有左互聯網，相信已經再無秘密。大多數秘湯旅館都係由發現秘湯的人喺秘湯旁邊起一間小旅館，之後世代經營落去。通常旅館都係規模較少，服務細心，而且位置偏僻，較幽靜，係我喜歡的類型。

就如今次入住的猿倉温泉旅館，已經有過百年歷史，相傳至第三代，旅館喺山上，網絡都接收唔到，可以靜下心情來感受大自然。

旅館每年只營業半年，四月下旬至十月下旬，其餘時間旅館主人一家就會周遊列國。旅館主人英文好流利，而且講明唔招待強國人，亦唔招待團體客(包括日本人團體)，話唔想破壞寧靜。我當晚全館滿客，但除左用餐時間之外，其餘時間都遇唔到其他客人，非常滿意。

元湯　猿倉温泉より

地址 : 青森県十和田市奥瀬猿倉

電話: 080-227-1590

Mapcode : 704 439 826

離開奧入瀨溪流就直接去旅館，往旅館路上景色

天氣轉冷，近山頂的樹木都禿了，跟山下的奧入瀨差得遠

途經另一秘湯，谷地温泉。見唔多吸引，無浸

猿倉温泉在山上，訂房時已提醒因為山路危險，最好5點前去到，而且天氣唔好會封路，我來之前一晚就因為颱風要封路，旅館主人要遂一通知客人盡早上山。好彩我遲一日無事，否則我一定接唔到通知

旅館分三部份，舊有一幢主要提供日歸温泉，新幢為餐廳及客房，另外有兩幢兩層小木屋，小屋一開二，每幢提供兩間兩層客房。

温泉的屋頂

元祖小屋

旅館在溪邊

當晚入住兩層的獨楝小屋，內附温泉，小巧温馨

房間供四人用，樓下兩張床

摺門後係洗手間，洗面台

再入面係私人風呂，泉水為天然温泉，極熱，要門水制加凍水

樓上閣樓

兩張小床

公眾温泉區

日歸温泉價錢

日歸温泉，晚上係住客的貸切風呂

日歸温泉休息處

住客温泉

由舊楝有通道連接往新楝，不需要經過寒冷的室外。

餐廳喺新楝，開陽寬敞，樓底高，幾舒服

一泊二食餐，早晚餐以蔬菜為主，好健康。

山上氣溫較低，隔天早上車窗玻璃都結霜了。