Foodie 生活雜誌

9/2020 光顧

餐廳開喺古蹟舊水警總部1881內，環境充滿殖民地色彩。室內裝修古雅，但有點迫夾，若想寬敞d，訂位時可以試下訂tea room。點心味道一般，餐牌睇到晚飯小菜混合粵式及川味，類似集團簱下的念川居，不過呢間走精品路線。

Lubuds group集團呢幾年好進取，餐廳密密開，中西意法日東南亞菜乜都有，計計埋埋開左30間，攻中檔市場，我唔覺意都食左7間。每一間的環境氣氛都唔錯，但食物味道普通，價值都反影左喺環境上，無回頭衝動。

蒜泥白肉好味。跟同一集團念川居的出品一樣

春風得意腸，米紙網脆口得來唔油膩

芋角，食友話芋頭唔夠多

南瓜蟹肉餃，圓滾滾的餃子面頭塗上一層薄茨，更覺晶瑩。蟹肉份量多，南瓜甜，好味。是日亮點

菜苗餃皮薄饀滿，菜嫩多汁，好味

胡椒餅，賣相似台灣蔥油餅，好油膩，麻麻

潮式灌漿蘿蔔糕，呢個簡直錯哂，唔知點解好煙韌，成個糯米卷咁。

灌湯餃，湯頭味濃得來有點假，麻麻。

餐廳開在活化古蹟內，走入建築，有如鬧市中的淨土

室內座位有四行枱，中間以房間分隔，即係每房有兩行枱，有點迫

另有一開茶屋，環境較濶落