6/2020 光顧
法式小酒館，開幕時幫襯過，眨吓眼就八年，八年後，同一班人再來幫襯，小店無變，我地就變左好多。餐牌簡單，頭盤主菜甜品每樣幾款選擇，食物做得用心，味道不俗。店內氣氛輕鬆舒適，慢慢點慢慢食，傾足一晚，店面整潔，唯一詬病係店內近洗手間的走廊濕濕漉漉，搞到有蚊滋，衛生情況要改善。
白酒煮蜆 用鐵鍋上，一打開蓋香氣四溢。沙白肉厚，白酒汁加入芫茜洋蔥炒，味道香濃，蘸麵包一流。
牛骨髓 簡單加入炒洋蔥焗，骨髓唔羶，骨髓油沁哂入洋蔥，香而不膩。
燒豬腩肉 整道菜似燉菜，不過用碟上。腩肉肥而不膩，肉質柔軟，燒香後跟燉菜同食，好味，不過份量少左d
餐牌簡單，一張搞掂哂
全站熱搜
留言列表
香港食食食 (25)
