Foodie 生活雜誌

9/2019光顧

口碑不錯的餐廳，一直想來，嚟到至記起原來食過，堅痴呆，不過上次來已經係三年前，若果等做我的生意就死得。今次水準比上次好，食材處理精細，只用最嫩的部分，樣樣菜色都認真d，夾埋就係高水準的一餐。

四色拼盤 豬腳仔肥美肉嫩，鹵水汁香，海蜇頭滑溜，話梅青瓜爽脆醒胃，素鵝腐皮香口，四款都出色。

片皮鴨 傳統版，唔花考，不過呢隻鴨造型似仰卧，有點趣怪

簡單片好一碟鴨，排得整齊，分鴨皮及鴨皮連肉，正正常常，最怕煞有介事咁分什麼一口鴨，什麼部位，簡單複雜化。鴨皮烤得發亮，油脂少但有油香，鴨肉味濃，水準不俗的烤鴨

簡單四款配料，青瓜、京蔥、紅燈籠椒絲、甜麵醬，甜麵醬味道剛好，唔會太甜大膩蓋過鴨味

么么夠熱，厚薄適中，有麵粉香

鴨鬆生菜包 片皮鴨二食，鴨鬆加入沙葛冬菇炒，用來做生菜包，鴨鬆炒得乾身香口，加入沙葛更有口感，生菜剪得靚靚，瀝乾水份，脆卜卜，包住鴨鬆食好好味

魚湯浸魚肚勝瓜 魚湯濃，夠鮮味，勝瓜用最嫩的部份，魚肚吸收哂魚湯，清淡又健康的菜色

琵琶豆腐 豆腐內加入帶子及莞茜，煎得香口，外脆內綿，加個薄茨，平凡的驚喜

蛋白杏仁茶 杏汁香，蛋白滑，甜度適中

楊枝甘露

份量足，三大一小食客，食唔哂要打包