Foodie 生活雜誌

一早出發，今日會去兩個景點 : The Pinnacles 奇石林及Lancelin白沙丘 滑沙，繼續大自然之旅。The Pinnacles 睇的係黃色沙丘上拔起的千年風化石，Lancelin係白沙丘，沙質極幼滑，又可以玩滑沙，大家玩到不亦樂乎。去完兩個景點後又係長途車往住宿，當先生聽到「只需」三小時左右的車程，聽到佢口中發出感恩的一句：「多謝太太！」晚上終於到達住宿，今晚玩玩Glamping ，試下上等人露營，點知就渡過左兩晚恐怖之夜......

為左趕路，早餐買上車食，又有靚靚咖啡杯，油站買的三文治隻煎蛋居然係即煎，味道唔錯喎

先到Pinnacles，要繳交入場費，有多款不同收費，分每日、每月、每年，我地當然係日票。

園內入口有資料館同售賣紀念品的商店

唔使泊低車，直接將車駛入園區就得，內裡已幾劃好哂車道，跟住行，邊走邊停。

園內石頭唔係普通石頭，係經千年風化而形成的尖石

企高d，睇遠d。發現原來內裡係黃沙地，但隔不遠處就係汪洋大海，上天對大地的設計往往令你意想不到

之後往Lancelin白沙丘，到達後買個三文治做午餐，要爭取時間玩

一片白色的沙漠

門口有滑板租，亦可以玩越野車

我帶左喺日本玩滑梯的板，諗住比小朋友玩，點知原來唔跣。

小朋友們急不及待玩

我都唔執輸

快樂背後其實係好辛苦，因為滑完要抬番塊板上斜坡。

小朋友，往前走吧，我地會喺背後守護你

經過幾小時車程，去到住宿處又已入黑，餐廳都收工了。之前order定的外賣，已放在房中，settle down後沖杯茶嘆下，一天就此結束